Loluwari Média (Díli) – Komandante Eskuadra Dom Aleixo sesante, Inspetor Polísia, Alexandrino da Costa “Samurai”, hatete, entrga hikas knaar ne’ebé durante assume nu’udar segundu Komandante tu’ir despaixu Komadante Jerál PNTL nian nune’e segundu komandante sai hanesan komanante Interinu iha Eskuadra Dom Aleixo.
“Ha’u agradese tebes tanba ohin ha’u hamri’ik iha ne’e hala’o misaun ida iha tempu naruk nia laran, tanba ha’u nia formasaun mai husi Unidade Espesial Polisia (UEP). Tuir orden komandu nian no nomeia ha’u nu’udar Komadante Eskuadra Kristu Rei, depois hetan fali konfiansa husi Komandante Jerál, ha’u mai nu’udar komandante Eskuadra Dom Aleixo, durante tinan 2 fulan 8 nia laran.” Dehan Komandante Eskuadra Dom Aleixo sesante, Alex Samurai, ba jornalista sira, iha Eskuadra Dom Aleixo Aimutin, Dili, tersa (03/12).
“Ohin loron Komandante Jerál muda ha’u ba fali UEP, ha’u agradese tebes tanba sai hanesan motivasaun ida mai ha’u atu bele aprende buat barak iha komandu Munisipiu Dili inklui iha Komandu Jeral atu ha’u bele servisu ho Ofisiáis sira hodi aumenta ha’u nia kapasidade no kuñesimentu klean iha fatin foun.”
Komadante Jerál sei eskolla komandante balu ba lidera Komandante Eskuadra atu hetan esperiénsia foun no sai mos Komandante hodi lidera Komandante Eskuadra. Tanba Eskuadra Dom Aleixo nia area ne’ebé luan tebes no iha suku 7.
“Ha’u agradese ba ha’u nia membru sira nia servisu tomak. Ho imi nia pasensia ne’ebé ita servisu hamutuk durante ita hamutuk iha Eskuadra Dom Aleixo iha tinan 2 ho balu nia laran, tanba dala-ruma ita sempre hasoru situasaun difisil, tanba Dom Aleixo fatin ne’ebé risku ho populasaun ne’ebé barak tebes maibé ho ita nia profisionalizmu ita ultrapassa no Proteze tu’ir prosedimentu lei no orden ne’ebé iha.”
Hanesan Autoridade seguransa atu servisu ba ita nia rai no ba ita nia povu. orientasaun saida de’it ita prontu ezekuta, karik durante ha’u lidera iha Eskuadra Dom Aleixo ho ha’[u nia karákter la hanesan tu’ir imi nia hakarak maibé ha’u nia atuasaun sempre tu’ir lei no orden ne’ebé iha loos dehan loos no sala dehan sala. Nia argumenta.
Komandante Interinu Eskuadra Dom Aleixo, Inspetor asistente polisia, Domingos Pinto, hatete lori membru Eskuadra Dom Aleixo nia naran tomak hato’o obrigadu wa’in ba Komandante Eskuadra Dom Aleixo anteriór ne’ebé servisu durante tinan 2 ho balu.
“Ami sente tebes ita bo’ot nia diak no domin mai ami sei sai motivasaun ida mai ami atu nune’e ami bele banati tuir hodi kontinua servisu lao ba oin no bele sai servidor ida ne’ebé diak liu iha futuru.”
Nia haktuir, tinan 2 liu ba buat diak barak no buat balu halo Komandante ladun kontente mak iha servisu balu Komandante nia orientasaun ba membru sira hakarak ho rapidamente maibé dalaruma membru sira hala’o atendimentu tarde.
“Buat hirak ne’e mak ami nia saudades sei la to’o rohan, ami saudades liu Komandante ho nia musika “O hili nia ka o hili hau” no “fahe malu ida nee” bainhira Komadante hamutuk ho ami sai fasilitator ba iha problema ema atu fahe malu sempre halo sira nia laran malirin mak ho liafuan ida dehan Fahe malu ida ne’e sai hanesan motivasaun ida ba ami atu sai fasilitator ba ema ruma nia problema ami sei hamamar sira nia laran molok ami rejolve sira nia problema.”
Iha mudansa ida ne’e halo membru sira laran taridu maibé hanesan membru PNTL nivel Ofisiáis nia kargu mak hanesan ne’e ona ohin mosu iha fatin ida aban mosu iha fatin seluk.
“Ami fiar katak Komandante Jerál PNTL iha jestaun ida ne’ebé diak liu hodi koloka nia emar sira ba iha fatin ne’ebé nia fihir hodi nune’e bele eleva servisu diak liu tanba konfiansa ida ne’e la mihis satan menus, bainhira ha’u ho Komandante simu karta despaixu ne’e ha’u hanesan segundu Komandante ou hanesan alin ha’u sempre fo korajen nafatin ba Komandante anteriór atu bele ba iha UEP karik servisu ida diak liu tan.”
Komandante Unidade Espesial Polisia (UEP), Damião Coreia, hatete, atu entrega servisu komandante Dom Aleixo tuan ba komandante interinu. Ne’e normal ba komandante unidade tantu munisipiu ne’e la’os buat foun ba iha kapital Dili.
“Horseik nia ba unidade espesial polisia aprezenta an, ha’u fo benvindu ba nia laos foun ba unidade, servisu la’os foun ba ita hotu imi ajente, sargentu ba to’o ami ofisiais servisu la foun ba ita. Imi mos sura ho ami ami mos sura ho imi tanba instituisaun PNTL ita sira ne’e sai pendiri perintis tantu unidade munisipiu la foun ami bele muda ba munisipiu perkore ami nafatin.”
“Servi estadu nasaun ho povu ida ne’e problema ida infrenta halai ba privadu kuandu halo diak povu gaba imi komandu gaba imi mais kois uitoan halai ba privadu lori todan. Alex samurai sai husi ne’e maibé komandu sempre rai iha fatin ida komandante Dom Aleixo nafatin rai iha ne’e ofisiais truka malu ema asumi kargu truka malu.
“Ida ne’e sai motivasaun ba ita katak servisu nasaun ida ne’e la’os ita de’it maibé ita hotu, ha’u agradese ba imi unidade espesial so apoiu teritoriu tomak, durante imi hamutuk iha Dom Aleixo reduz problema lubuk ida. Ita lafoti malu maibé realidade ne’ebé mak iha tanba ita loron kalan prega iha kampu laran.”
“Ha’u husu ba Alex fila-fali ba nia uma knua UEP tanba reduz problema, nia sempre fila-fali ba UEP hodi haforsa UEP hodi hala’o nia servisu.”
Komadante Munisípiu Díli (KMD), Superintendente Xefe Polisia, Orlando Gomes, hatete, sermonia transferensia normalmente ba iha instituisaun PNTL no instituisaun seluk sempre iha mudansa kargu ne’e normal.
“Iha tempu kontenti no tristi hanesan ema ita hotu sente maibé ita ne’ebé servisu iha instituisaun PNTL. Ita prontu kualker tempu kuandu orden husi komandu tantu husi komandu UEP no komando munisipiu Dili, to’o ita bo’ot sira kuandu orden mai ita hotu prontu ezekuta servisu ne’ebé de’it.”
Komandante eskuadra sesante ne’ebé mak uluk presiza duni komandante eskudra iha kristu rei mai fali Dom Aleixo,objetivu mai fali Dom Aleixo atu mai organiza servisu operasional iha Dom Aleixo atu prevene krime sira ne’ebé mak mosu.
“Esforsu tomak kazu identifikasaun ne’ebé mak komandante eskuadra sesante halo durante tinan hira halo apresiasaun ba ita nia lideransa iha baze halo aproximasaun ba joven sira no veteranus sira lider komunitaria sira iha Dom Aleixo ho objetivu atu reduz krime sira neebe mak mosu.”
Ida ne’e mak instituisaun PNTL ka organizasaun hotu-hotu halo transferensia ka rotasi tanba servisu diak promove ba tan oin.
Tanba ne’e husu ba ita hotu sempre firmi iha ita nia servisu hatudu ita nia disiplina ho diak iha ita nia servisu. Hatudu ateitude servisu diak ita kontinua nafatin ba oin nafatin dezenvolve instituisaun ba oin. Tanba ne’e ita nia komandante eskuadra Dom Aleixo hetan esperensia barak iha Dom Aleixo.
Jornalista : Chay Risky
Editór : Ilima’a