Loluwari Média (Díli) – Diretór Diresaun Investigasaun Kriminál Nasionál (DIKN), Superintendente Polísia João Belo dos Reis, informa, Polísia Nasionál Timor-Leste (PNTL) Komandu Munisípiu Viqueque halo ona atuasaun ba kazu video ne’ebé viral iha Média Sosial.
“Objetivu husi kazu ne’e tu’ir informasaun ne’ebé ita nia komandu PNTL munisípiu Viqueque, detein ona suspeitu iha sela komandu PNTL munisipiu Viqueque, ne’ebé suspeitu ho kondisaun lanu no halai ho velosidade aas hasoru vitima iha dalan klaran. Depois tenta atu soke vitima, maibe la jadi, entaun suspeitu langsung ta’a vitima nia ulun maibé kapasete mak salva.” Dehan, Diretór DIKN, Superintendente Polísia, João Belo dos Reis, ba jornalista sira, iha Komandu Jerál PNTL Kaikoli, Dili, Sexta (01/08).
Superior ne’e explika, vitima ne’ebé suspeitu tenta atu ta’a nu’udar manorin (Professor) ne’ebé suspeitu tenta ta’a nia ulun maibé kapasete mak salva. Komunidade sira ajuda vitima iha tempu ne’eba no PNTL Komandu munisípiu Viqueque halo kedas kapturasaun.
“Suspeitu agora daudauk ita detein iha sela detensaun munisípiu Viqueque, tanba nia komete Fraglante de litu no vitima ho kondisaun diak tanba suspeitu halo tentativa omesidiu ba vitima maibé kona nia kapasete de’it.”
“Suspeitu ho evidénsia agora dadaun PNTL munisípiu Viqueque asegura hotu iha komandu munisípiu Viqueque hein atu aprezenta ba Ministeriu Públiku (MP).
Jornalista : Chay Risky