Loluwari Média (Díli) – Prezidente Repúblika (PR), José Ramos-Horta, husu, povu Timor-Leste, atu hakruk no fo homenajen heroi no heroina Falintil liman kroat sira ne’ebé ho atenbrani nune’e Timor-Leste hetan independensia.
“Bainhira ita halibur hamutuk iha rai doben Timor-Leste ida ne’e atu selebra loron Falintil ba tinan 50, Ha’u husu ba povu doben Timor-Leste atu hanoin hikas ba ita nia heroi no heroina sira tantu mane no feto joven ferik no katuas ne’ebé mate iha ailaran tan ita nia rai atu hetan independensia.” Dehan Prezidente Repúblika, José Ramos- Horta, ba jornalista sira, iha palásiu Prezidensiál Nicolau Lobato, Bairro-Pité, Díli, Tersa (05/08).
Xefe Estadu hatete, sakrifísiu no dedikasaun ne’ebé povu Timor-Leste, halo to’o ohin loron balu nia ruin seidauk hetan sei naklekar iha ailaran tan hakarak Timor-Leste nia independensia.
“Ha’u admira ba membru Falintil ne’ebé luta no kombate durante 24 anos, ha’u admira tebes ba ita nia luta liliu ba ita nia heroi no heroina sira nia luta hodi fo vitória ba Timor-Leste, nia ukun rasik an, tanba ita nia heroi no heroina sira kesi kabun sakrifíka sira nia an tomak nunka mais atu rende hodi ita hetan ukun rasik an.”
Husu povu Timor-Leste atu fo homenajen no hakruk ba heroinu no heroina sira Falintil liman kroat sira ne’ebé ho sira nia aten brani no dedikasaun tomak ohin loron Timor-Leste, hetan nia independensia, parabéns ba loron Falintil ba dala 50.
komemorasaun aniversariu loron Falintil, liman kroat povu Timor-Leste monu iha 20 de agostu, instituisaun Falintil hari’i iha 20 de agostu iha 1075 ho objetivu atu sai forsa ida atu defende soberania Timor-Leste.
Jornalista : Chay Risky