Loluwari Média (Dili) – Provedor dos Direitos Humanos e Justiça (PDHJ), Virgilio da Silva Guterres “Lamukan” konsidera, mosu rekezitu balu ne’ebé halo diskriminasaun no viola konstituisaun iha artigu 16 no artigu 50 ne’ebe ko’alia kona-ba Direitu traballu.
“Ami husu ba ministeriu interior (MI) no komandu Jerál PNTL atu rekonsidera kriteira sira tanba kriteira sira ne’e viola prinsipiu konstituisaun no la furak iha publiku, dalaruma, ita hanoin tau patriota nia oan ou polisia nia oan atu valoriza, laiha ida ne’e ita dezvaloriza ita nia povu ninia sofrimentu. Tanba luta ba rai ida ne’e ema hotu-hotu luta agora ita tau tia polisia nia oan patriota nia oan, entaun povu nia oan ba ne’ebé no ita konsideira saida”, Dehan Provedor dos Direitos Humanos Justiça (PDHJ), Virgilio da Silva Guterres “Lamukan” ba jornalista sira iha sala Biblioteca PDHJ Caicoli, Dili, kuarta (13/08).
Provedor ne’e esplika, ema hotu tenke tu’ir rekezitu husi komisaun rekrutamentu polisia, atu patriota nia oan ka polisia nia oan ou militar nia oan tenki liuhusi prova atu nune’e servi rai ne’e ho sira nia kapasidade rasik laos tabele ba sira nia inan aman nia naran ou hamri’ik ho inan aman ninia historia.
“O atu polisia nia oan ka militar nia oan ba prova rasik katak o bele la’os tanba o nia aman patriota nia oan prova rasik. Tanba sira nia inan-aman uluk mate iha ai-laran se rasik sira nia feitu ba ema atu tiru la’os ba sadere ba ema ruma.
Entaun oan sira tenke prova rasik katak sira bele tanba servi rai ne’e ho sira nia kapasidade rasik la’os tabele ba sira nia inan-aman nia naran ou hamrik ba ho inan aman ninia historia ninia mahon prova rasik liliú ita labele halo diskriminasaun ba povu aileba nia oan.”
Tuir loloos ne’e kriteiru tenke hanesan no kondisaun hanesan ba ema hotu maibé mosu fali kriteiriu balu ne’ebé mak polisia ho militar nia oan iha ne’eba no mosu tan deklarasaun kombatente ninian ida ne’e mosu diskriminasaun bo’ot.
“Diak liu ne’e kriteira hanesan kondisaun hanesan ema hotú tanba ita tau militar ho polísia nia oan iha ne’eba ida ne’e ita diskrimina tiha ona kondisaun bele hanesan mos ema iha avegursaun haree dehan ou tanba povu baibain nia oan laiha deklarasaun kombatente nian entaun ne’e eskluidu tia ona mezmu psikamente mental nia preparadu atu ba iha ne’eba ba ha’u diak liu ne’e ita tau ida henesan ne’e, tanba konstituisaun lei katak ema hotu-hotu hanesan.”
Entretantu ekipa legal PDHJ sei analiza diploma governu mos diploma ministeriu nian no posibilidade sei halo fiskalizasaun abstrata hatama petisaun ba tribunal no provedoria sei uza nia kompénsia iha artígu 151 atu Fiskaliza politika ka desizaun sira henesan diploma minesterial nian ne’ebé kontra prinsipiu konstituisaun nian.
Jornalista : Nandes