Loluwari Média (Díli) – Xefe Estadu Maiór Jenerál Falintil- Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” hatete, bainhira membru F-FDTL halo probelma tenke prosesu tu’ir regulamentu Instituisaun.
“Ita nia membru F-FDTL dalabarak halo probelma oi-oin maibé ami foti medidas tu’ir regras sira ne’ebé estabelese ona iha institusaun F-FDTL nian.” Dehan Xefe Estadu Maiór Jenerál F-FDTL, Tenente Jenerál, Domingos Raul “Falur Rate Laek” ba jornalista iha Palásiu Prezidensiál Bairo-Pite Díli, tersa (02/09).
Falur hatete, presiza edukasaun no muda mentalidade no halo revolusaun ba membru F-FDTL sira tanba ne’e mak sira halo tratamentu Formasaun sira ne’e maibé dalabarak membru sira sempre komete kazu Adulteiro no kazu sira seluk mak Instituisaun F-FDTL foti medidas tu’ir regras ne’ebé estabelese ona.
“Ita labele haree ba probelma parte ida nian maibé probelma hamutuk atu prosesa tu’ir lei institusaun F-FDTL nian atu nune’e muda mentalidade ema ida-idak nian.”
Xefe Estadu la tolera nia membru sira komete kazu adulteiru iha institusaun laran ho komunidade sira hodi hakanek ema seluk nia familia no hafoer institusaun F-FDTL nia naran.
“Ami foti desizaun tu’ir regulamentu justisa nian hodi kastigu membru F-FDTL la’os ha’u mak dehan nia sala ha’u tenke hasai nia maibé ne’e prossesu tuir nesésidade Instituisaun F-FDTL, bainhira dehan hasai, hasai ona no fo pena maximu iha institusaun F-FDTL mak hasai ona husi Forsa.”
Tanba lei interna Instituisaun F-FDTL nian bainhira membru F-FDTL komete kazu ruma tenke tu’ir prossesa lori tinan no presiza rona asesoria juridíka sira no halo ponderasaun no avaliasaun bainhira labele ona mak foti desizaun tenke hasai membru F-FDTL husi Instituisaun.
Jornalista : Chay Risky