Loluwari Média (Díli) – Segundu Komandante Jerál Polísia Nasionál Timor-Leste (PNTL), Komisáriu Pedro Belo reprezenta PNTL louva konkista foun ne’ebé Estudante Universitariu Timor-Leste (EUTL) Sosiédade Sivil no Komunidade Ema ho Defisiensia sira hotu nia luta ba lia-loos durante loron tolu.
Nia Informa, luta loron tolu Estudante Universitariu Timor-Leste hamutuk ho Sosiedade Sivil no Komunidade ema ho difisensia hamutuk ohin loron hetan Vitória.
“Tanba Vitória ne’ebé ohin (kuarta-feira) imi susesu ne’e Vitória ne’ebé nia historia tanba uluk kedas imi nia maun sira luta duni iha fatin ne’e sira hakilar luta,luta maibe laiha (rejultadu) final maibé ikus mai ita boot sira mak hetan susesu.” Dehan Segundu Komandante Jerál Polísia Nasionál Timor-Leste (PNTL), Komisáriu Pedro Belo Manifestante sira iha Resintu UNTL kaikoli Dili, kuarta (17/09).
Pedro Belo dehan,Vitória ne’ebé manifestante sira hetan ne’e Vitória povu nian tanba manifestante sira nia pasensia atenbrani balun ran turuk balun to’o tama hospital mak hetan Vitória tanba luta laos fasil.
“Imi nia maturidade no imi nia pasensia ne’ebé di’ak hodi kontrola maske ita hotu hatene katak loron tolu ne’e situasaun ne’ebé la favoravel manifestante ne’ebé makas maibé imi nafatin kontrola imi nia emosaun mak ohin ita hamutuk nafatin ohin loron imi hetan Vitória ida ne’e.”dehan nia.
Dalan uniku,Nia dehan, mak dalan dialogu hodi rezolve problema tanba manifestante sira hatudu tiha ona buka dalan dialogu tanba loron dahuluk gas Lakrímugenio lubuk ida mak kona sira.
Balun to’o kanek balun tanis balun halai no fatuk balun kona mós Polísia sira maibé manifestante sira hamrik tuba rai metin nafatin hodi halo dialogu buka solusaun mak hetan Vitória.
“Ohin dader manifestasaun hahú manas maibé ita buka dalan úniku halo dialogu ho Deputadu no Deputada sira ohin loron ita hetan solusaun no Vitória ne’ebé di’ak povu Doben Timor-Leste, ita hotu hamutuk nu’udar timoroan buka dialogu hodi hetan solusaun ba problema hotu-hotu.”dehan nia.
Tanba ne’e Pedro Belo Husu ba Estudante Universitariu Timor-Leste atu servisu hamutuk ho Autoridade Seguransa no autoridade sira seluk karik buat ruma ne’ebé hakarak atu ezije tenke koordena malu halo dialogu atu bele hetan solusaun.
“Ha’u nia parabéns no parabéns ba imi hotu ha’u nia parabéns ba Estudante Nain (7) ne’ebé ohin hatudu dunik nia kualidade nu’udar akademiku ohin hatudu no hetan Vitória parabéns fila ho diak to’o ida-idak nia uma.”tenik nia
Jornalista : Chay Risky