Loluwari Média (Díli) – Estudante Universitáriu Timor-Leste (EUTL) ezize nonu governu konstituisionál atu fokus aloka orsamentu ba setór infraestrutura hodi hadia estrada iha territóriu tomak.
Portavos EUTL José da Costa Sure hatete, EUTL nia ezijensia prinsipál ba Governu no deputadu sira atu hadia estrada iha Teritoriu Timor laran tomak.
“Ami nia ezijensia prinsipál mak atu aloka orsamentu ba setór produtivu Liu-liu Infraestrutura Estrada iha Teritoriu Timor laran tomak tanba agora ita nia povu halerik ba Estrada.” Dehan Portavós Estudante Universitariu Timor-Leste (EUTL), José da Costa Sure ba jornalista sira hafoin hako konferensia iha Kampus Sentral UNTL Dili, Tersa (30/09).
EUTL ezije atu governu tau orsamentu ba setor produtivu sira liu-liu infraestrutura Estrada iha Munisípiu sira ne’ebé oras ne’e sei hakdasak hela.
Tuir Nia,Estrada Lautem ba Lospalos, Lospalos ba Lorehe, Lospalos ba Tutuala, Lospalos ba Iliomar, Lospalos ba luro no husi Lautem ba Suku Serelau, Mahina I, Baduro no Mahina II ne’ebé oras ne’e grave tebes.
Uluk orsamentu,Nia dehan, ne’ebé investe ba LPV miallaun$ 5 kada tinan ne’e EUTL husu atu tau prioridade ba Infraestrutura Estrada iha Munisípiu Lautem, Ermera, Bobonaro no hadia mós ba bee-moos agrikultura.
“Tanba ita nia estrada iha munisípiu barak mak sei grave tebes tanba ne’e ami husu ba Governu atu investe osan ba Infraestrutura iha baze no setor produtivu sira iha baze.”dehan nia.
Tanba komunidade nia produtu lokal sira iha atu lori ba merkadu mós susar tanba difikulta estrada ne’e rasik ba sira atu ba merkadu tanba ne’e EUTL husu no ezije atu tau orsamentu ba setor produtivu sira atu nune’e povu bele asesu.
Jornalista : Chay Risky