Loluwari Media (Dili)-Presidente INSCIDA Daniel Marcal klarifika relasiona ho asuntu ne’ebé sai preokupasaun kona-ba harii uma prostituisaun iha Timor-Leste.
Daniel Marçal hatete,INCSIDA laiha planu atu harii uma Prostituisaun maibé ne’e opiniaun públiku nian ne’ebé atu evita moras labele hadaet.
“Ida ne’e (uma Prostituisaun) kondisaun ida ne’ebé mak presiza atu kria, maibé dala ida tan ne’e lá’os planu INSCIDA nian,ne’e preokupasaun públiku nian”dehah Presidente INSCIDA Daniel Marcal ba Jornalista sira iha nia kna’ar fatin, Pantai kelapa , Kuarta (08/10).
Tanba moras HIV-SIDA ne’e transmite barak liu husi relasaun sexsuál liu-liu relasaun sexsuál livre ne’e tanba iha Timor-Leste moras HIV ne’e sa’e makas.
Maibé ne’e prekupasaun públiku ema-ema hotu nia, iha nasaun no ba Timor-Leste tomak katak HIV ne’e transmite barak liu ne’e husi relasaun sexsuál ida ne’ebé mak livre husi feto ho mane.
Nia informa, tanba ne’e públiku nia preokupasaun dehan katak HIV ne’e halo transmite liu barak husi relasaun sexsuál livre entaun oinsá ema nia hanoin kona-ba sexu livre ne’e halo nusa.
“Atu hamenus ne’e ma ita la iha opsaun seluk, opsaun maka ne’e ida prinsipál ne’e mak ko’alia,tanba ho ko’alia ne’e ba ema nia konsiénsia, kuandu ema iha konsiénsia ba buat di’ak ba buat aat, sei halo transformasaun ba ninia hahalok rasik,”nia informa.
Tanba ho opsaun ida ne’e mak INSCIDA halo nafatin mak halo sensibilizaun ba fatin hotu-hotu maibé presiza média nia tulun atu divulga ba públiku.
“Tanba ne’e iha maneira seluk mak di’ak liu ema hotu-hotu ba teste raan, tanba ema ida nia moris la hatene”dehan nia.
Nia dehan, pasu ida ne’e mosu husi preokupasaun ba atividade seksu livre ne’ebé lori risku ba transmisaun HIV-SIDA.
Jornalista : Anis