Loluwari Média (Díli) – Deskonfia Peregrinu balun nauk motoriza hamutuk 18 hodi utiliza ba iha loron Na’i Feto Ramelau iha Loron 7 fulan Outobro Tinan ne’e.
Diretór Servisu Investigasaun Kriminál (DSIK), Superintendente Polísia João Belo dos Reis hatete, PNTL hetan keixa kona-ba motorizada barak lakon iha kapital Dili no iha informasaun katak peregrinu sira balun uza ba vizita Ramela.
“Iha semana kotuk ami rona informasaun husi komunidade balun katak peregrine sira ne’ebé tuir misa iha loron Na’i Feto Ramelau balun uja motorizada ne’ebé sira naok iha kapitál Dili liu-liu iha bairru, iha loza no mos iha kampus sira.” Dehan Diretór Servisu Investigasaun Kriminál (DSIK), Superintendente Polísia João Belo dos Reis ba jornalista sira iha Komandu Jerál PNTL Kaikoli Dili, Tersa (14/10).
João Belo esplika, bazeia ba informasaun ne’ebé infiltra iha grupu sira ne’e Autoridade Seguransa PNTL Munisípiu Aileu no Eremera halao kedas auto stop (Cek Point) ba Peregrine sira hodi Prende motorizada balun ne’ebé peregrine sira utiliza.
“Bainhira ami halo Pasarevista ba Peregrinu sira nia movimentu iha munisípiu Aileu no Eremera ami konsege Prende motorizada hamutuk 11 iha munisípiu Aileu no iha munisípiu Ermera hamutuk 7 “dehan nia.
Tan ne’e PNTL sei anunsia ba públiku katak komunidade balu nia motor lakon bele ba komandu Jerál PNTL Diresaun Servisu Investigasaun Kriminál (DSIK) nian hodi halo verifikasaun atu nune’e PNTL bele prosesu no fo fila nia motor.
Suspeitu na’in 7 ne’ebé PNTL asegura ona no prosesu la’o hela tanba PNTL konsidera ne’e komete graglante delitu ne’ebé tenke tuir prosesu legál.
Motorizada hamutuk 18 ne’ebé sei iha komandu Munisípiu Aileu no komandu munisípiu Ermera sei lori ba iha DSIK hodi halo identifikasaun ba motorizada sira ne’e.
Jornalista : Chay Risky