Loluwari Média (Díli) – Kompañia Internasionál ida importa kilat musan ujadu hamutuk bidon tolu husi nasaun Amérika mai Timor-este hodi halo produsaun ba besi Kuningang.
Diretór Servisu Investigasaun Kriminál (DSIK), Superintendente Polísia João Belo dos Reis hatete,PNTL klarifika informasaun kona-ba autoridade seguransa ekipa konjunta asegura bidon 36 ne’ebé iha laran kilat musan.
“Informasaun ne’e presiza halo loos katak bidon 3 mak iha kilat musan ujadu ne’ebé uja tiha ona la’ós kilat musan foun, depois kilat musan rahun ne’e karon ida simenti nia fatin ne’e 3″Dehan Diretór Servisu Investigasaun Kriminál (DSIK), Superintendente Polísia João Belo dos Reis ba jornalista sira iha Komandu Jerál PNTL Kaikoli Dili, Tersa (14/10).
Nia dehan Autoridade seguransa sempre halo atuasaun ba sasan konsidera kontra bandu nune’e sira iha informasaun buat balun laloos deskonfia, entaun parte seguransa halo intervensaun bainhira sasan ne’e to’o iha sira nia armajen.
“Evidensia sira ne’e ita asegura iha ne’ebá hatama fila-fali ba kontentor xavi Polísia kaer, depois dada ona garis polisia nian”dehan nia.
Tanba ne’e Nain ba kompañia sasan ne’e PNTL halo hela investigasaun hodi halibur hela dadus tanba PNTL servisu hamutuk ho parseiru internasional sira atu detekta sasan hirak ne’e.
“Sasan ne’e ita hetan orijen mai husi Amerika depois tranzit iha Singapura mak hatama mai iha Timor-Leste,(depois) deklarasaun husi kompañia atu halo metallic cetak fali halo kuningan mais ne’e prosesu Investigasaun sei la’o hela.”dehan nia.
Nia dehan, kompañia ne’e, baibain halo exportasaun besi at sira, kareta at, motor at, besi tua sira ne’ebé mak iha Timor-Leste sira rekolla depois halo packing exportasaun fali ba rai liur.
“agora investigasaun la’o hela, ida ne’e Primeira ves ita hetan, nafatin buka tuir karik iha pasadu sira halo atividade sira hanesan ne’e” PNTL informa.
Sasan sira ne’e,Nia esplika, la’os ativu maibé ujadu ninian, ibolku ujadu, kilat ne’ebé fera ona ida ne’e mak kompañia internasionál halibur hodi lori tama mai Timor-Leste.
“Tuir deklarasaun ujadu ne’e sira hateten, maibé ita sei husu ajuda ita nia parseiru internasional sira atu bele deskobre didi’ak ho sira nia ekipamentu ho sira nia aparellu ne’ebé mak iha nia risku ne’e oinsa, no bele deskobre ninia perigu ba iha futuru”dehan nia.
Tanba ne’e PNTL husu atu tau estasionamentu Polísia iha Portu Tibar atu kontrola sasan kontra bandu ne’ebé tama mai iha Timor-Leste.
“Ami husu kleur tiha ona atu destaka ami nia ekipa ida iha Portu Tibar hodi nune’e manifestu dokumentu hotu-hotu ne’ebé tama pelumenus autoridade seguransa hatene, no sasan sira tama iha ne’ebá ne’e liu husi scam online autoridade seguransa tenke hatene”dehan nia.
Jornalista : Chay Risky