Loluwari Média (Australia) – Ekipa Lafaek Forsa Defeza Timor-Leste (F-FDTL) okupa terseiru Lugar hafoin halakon nia adversáriu Forsa Australia ho eskor 3-0 iha estádiu Brisbane.
Iha inísiu jogu árbitru fó sinál, ekipa rua lansa kedas kontra atake ba malu tuir tátika no estratejia ne’ebé treinadór ida-idak orienta nia jogadór sira atu hetan rezultadu másimu.
Durante Ekipa rua hala’o jogu ho ritmu ne’ebé as, maibé ekipa F-FDTL ne’ebé hala’o jogu agresivu, ho bola ne’ebé husi ain ba ain, ho ambisaun tenta atu halo golu.
Maibé liña defeza Australia Darwin solidu ne’ebé la fó opurtunidade ba nia adversariu atu realiza golu.
Ekipa selesaun F-FDTL koko domina iha jogu, hodi fó presaun ba liña defeza Forsa Australia Darwin, maibé F-FDTL konsege halo balansu ba jogu, liu-husi kontra atake hodi sobu liña defeza ekipa selesaun Forsa Australia Darwin
Maske nune’e, sira la hatudu sira nia ofensidade iha jogu hodi husik adversáriu sira aproveita opurtunidade hodi lansa ameasa ne’ebé fo perigu ba guarda rede.
Ekipa F-FDTL Timor-Leste ne’ebé lansa kontra atake ne’ebé lais, halo liña defensivu selesaun Forsa Australia Darwin tenke gasta enerjia hodi bele hamate liña avansadu F-FDTL Timor-Leste nian.
Iha minutu 23 F-FDTL TL hetan opurtunidade atu marka golu aproveita fallansu jogador defeza adversáriu, maibé la konsege.
Ho purtunidade ne’ebé F-FDTL hetan liu-husi lansa bola kantu, jogadór Kevin Fernandes ho numeru kamizola 7 konsege fura guarda rede 1-0 ba Forsa Australia Darwin nian hodi lidera jogu.
Iha minutu 33 jogadór Kevin Fernandes Aumenta golu husi ho rezultadu 2-0 to’o primeira parte termina.
Bainhira Hakat ba segunda parte, ekipa F-FDTL TL lansa atake ne’ebé agresivu, nune’e halo presaun ba ekipa selesaun Forsa Australia Darwin liu-husi liña médiu parte los, hodi lansa sutu maibé seidauk kona alvu tanba defeza F-FDTL antisipa bola ho diak.
Ekipa rua halo kontra atake ba malu hodi hadau malu opurtunidade atu aumenta golu no responde golu, maibé la konsege.
Iha kampu ninin treinadór sira orienta jogador sira atu muda estartejia liu-husi substituisaun jogador sira atu halo balansu jogu.
Iha minutu 87 jogador husi ekipa F-FDTL konsege aumenta tan golu ba 3-0 liu-husi jogadór numeru kamizola 77 no Golu refere mantein to’o jogu termina.
Maske sofre golu 3 ekipa selesaun Segundu Divizaun Forsa Australia Darwin kontinua halo kontra atake hodi bele responde golu ruma, maibe liña defeza F-FDTL TL mantein solidu to’o jogu segunda parte termin ho Skor 3-0.
Nune’e Ekipa F-FDTL hetan 3 lugar ne’ebé hasoru derota iha jogu Amizade entre F-FDTL Timor-Leste ho Forsa Australia.
Enukuantu jogu ne’e hetan partesipa husi Xefe Estadu Maiór Jenerál Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” inklui Ofisias husi F-FDTL.
Jornalista : Chay Risky