Loluwari Média (Dili)-Emposadu Prezidente Konsellu Administrasaun Institutu Nasional Seguransa Sosiál (INSS) no mós Prezidente Konsellu Fundu Rezerva Seguransa Sosiál Zeferino da Costa Bobo promete hadia sistema atendimentu di’ak ba idozus sira.
Emposadu ne’e sei kontinua servisu ne’ebé iha maibé atu halo mudansa atendimentu ba ferik-katuas sira ne’ebé seidauk másimu liu-liu dokumentus laiha.
“Ita hakarak hadia tanba servisu hamutuk ho notariadu para oinsa fasilita ferik katuas sira ne’ebé mak laiha dokumentus.” Dehan Zeferino da Costa Bobo,iha Edifisiu MSSI Caicoli. Kinta (15/01).
Prezidente konsellu foun ne’e hatete,iha problema rua mak sai problema ba ferik-katuas sira hodi bele hetan sira nia direitu.
“Ita identifika ona problema iha rua, ne’ebé mak ita nia ferik-katuas sira sempre hasoru mak distansia dook husi sira nia uma sede suku ka banku atu simu sira nia osan, no balun laiha billete identidade ka kartaun”dehan nia.
Tanba ne’e emposadu ne’e sei hamutuk ho dirijente sira oinsa atu buka deskobre problema sira ne’ebé mak iha foin bele hadia tanba sei la halo mudansa ba programa ne’ebé iha maibé atu hadi’a de’it servisu sira ne’ebé mak iha ona.
“programa ne’ebé di’ak ita kontinua, ida ne’ebé ladiak ita sei identifika, deskobre atu hadia”dehan nia.
Tuir Nia,dala-barak ferik-katuas,sira tinan ida ne’e simu tiha osan maibé depois naran iha tempu tuir mai laiha tenke suspende hodi haree prova benefisiáriu sira nia vida.
Iha fatin hanesan,Ministra solidaridade sosiál inkluzaun Veronica das Dores hatete, tenki muda espasu no muda karater Administrativa atu nune’e halo mudansa para hadi’a servisu.
“ha’u apresia ba Prezidente ida agora katak tenke servisu hamutuk ho ekipa atu foti desizaun tenke ekipa tuur hamutuk konsulta malu depois opiniaun ideia ema hotu nian atu nune’e ita bele foti desizaun antes atu hala’o servisu”dehan nia.
Tanba 2025, ne’e prioridade tenki hadi’a sistema atendimentu ne’e preoridade primeiru dala-ruma sistema as vezes iha problema.
“Tanba ita kuandu atende iha ne’e dala-ruma as vezes susar Tanba rai nia konsumu Kondisaun ita nia rai balu tanba sistema atendimentu as vezes difikulta ema atu simu direitu pensaun,ida ne’e mak tenki hadi’a”dehan nia.
Tuir Ministra MSSI,banku BNCT mesak mak halo Pagamentu dala-ruma susar tanba ne’e presiza azensia ne’ebé mak iha mosan hamutuk para bele halo Pagamentu besik liu ba povu liu-liu iha área remotas.
Nia afirma,iha tinan 2025 ne’e lao nafatin maibé dala-ruma difikulta tanba Pagamentu sistema la’o ne’e lalais maibé bainhira internet ladún di’ak ne’e difikulta ida ne’e mak sai problema.
“maibé ita tenke hadi’a neneik Ministru solidaridade sosiál inkluzaun nia esforsu labele mesak tanba ne’e liñas menisteriál”dehan nia.
Prezidente foun,Nia dehan,tenke hamutuk ho vogal sira atu hadi’a no tuir polítikamente tuir regulamentu ne’ebé mak eziste tuir lei.
Jornalista Estajiáriu : Imaculada Tefa
Editór : Herminio Cardoso