Loluwari Média (Díli)-Forum Organizasaum Non-Govermental Timor-Leste (FONGTIL) hamutuk ho Plan Internasionál no mós Uniaun Europeia lansa projetu servisu ba Munisipiu haat.
Diretór Ezekutivu FONGTIL Inocencio de Jesus xavier hatete,lansamentu ba selebrasaun kontratu ho Plan Internasionál no Uniaun Europeia ne’e hodi kontinua servisu Tinan 2025 nian ne’ebé seidauk ezekuta hodi implementa iha Tinan ne’e 2026.
“Seremonia lansamentu ba selebrasaun kontratu ba Plan internasionál ho FONGTIL,Uniaun Europeia iha tinan kotuk liu ba, no ohin ita lansa ofisiál atu implementa projetu sira ba Munisípiu haat mak hanesan Ainaru, Ermera Ataúru no viquequeke” dehan Diretor ezekutivu FONTIL Inosensiu Xavier iha hotel timor, Kurta (14/01).
Tuir Nia,programa ne’ebé iha mak Programa ba empoderamente ba joven, ativista, organizasaun feto,ema ho difisiensia, komunidade LGBTIQ+ oinsá atu servisu baze ba informasaun sira no baze ba evidensia.
Oinsa influensia atu nune’e halo advokasia evidensia ba polítiku ba estadu nian, Oinsá atu haforsa liu empoderamente organizasaun sosiedade sivil nian ba diversidade atu sai forti ba tekniku sira no servisu sira seluk.
“Tanba ne’e promove justisa sosial promove diretus humanus no ida ne’ebé inkluzivus no sustentavel iha ita nia rai”dehan nia.
Inocencio hatete, projetu ida ne’e iha durasaun ba tinan tolu nian hahú husi Novembru tinan 2025 to’o 2028, no projetu ida ne’e sei hala’o iha area rurál sira tanba indetifikadu ona mapamentu.
Nune’e presiza haforsa liu tan tanba projetu ida ne’e atu refleta ba servisu ne’ebé durante halao ona no projetu ne’e hetan apoiu fundus husi Uniaun Europeia hamutuk rihun rua no Plan Internasionál Rihun $700 ne’ebé fahe ba redasaun tolu.
Programa hetan fiar tanba servisu ekipa ne’ebé mak di’ak, no plan internasionál ho FONTIL servisu ba área kapasitasaun empoderamentu no update iha materia ruma tuir síklu dinámiku.
“durante ita halo servisu ami iha plataforma oinsá atu servisu ne’e la’o ba oin ho projetu ida ne’e ajuda ita nia joven sira no komunidade LGBTIQ+ no liu ba governasaun” nia haktuir
Xefe Kooperasaun Uniaun Europeu Yotam Leren hatete, projetu husi uniaun europeia ne’e importante tebes tanba lansa ona ho sosiedade sivil no Plan internasional sira atu haforsa diversidade joven sira no bazea ba jeneru iha TL.
“Uniaun Europeia hanesan organizasaun ida ne’ebé importante tebes atu suporta sira projetu ne’ebé ami fó ona no liu ne’ebé agora dadaun ne’e lansa ona atu haforsa asosidade sivil”dehan nia.
Alende la’os de’it projetu ida ne’e maibé projetu sira seluk ne’ebé foku liu ba asuntu haforsa sosiedade sivil nian no liga ba Bazeia ba Jéneru ida ne’ebe sai hanesan problema no infrenta barak iha TL.
Jornalista Estajiariu: Imaculada Tefa
Editór:Herminio Cardoso