Loluwari Media (Dili)-Ró kruzeiru MV DOULOS HOPE husi nasaun Alemaña ne’ebé opera husi órganizasaun GBA SHIP ho Misaun Kona-ba Edukasaun Mundu atraka ona iha Portu Díli durante semana ida atu sidadaun sira bele vizita.
Representante Ekipa Internasional hosi Ró MV Doulos Hope, Ciquina de Sousa senti honradu hodi halo viajen mai visita Timor-Leste hafoin desloka husi nasaun Malázia.
“Ami mai iha Díli, ami faan livru, loke kafé ba públiku, ami hamutuk 130 mak mai iha ne’e, ida ne’e sei nakloke ba públiku iha aban to’o remata Ami konvida ema hotu iha Díli atu mai vizita no enjoy ho produtu sira ne’ebé ami prepara iha ne’e, ami presiza imi hotu nia presensa durante ami estádia iha ne’e” nia ba jornalista sira iha Aportil Kinta-feira (16/01).
Tuir Nia, Ró MV Doulos Hope ema hamutuk 130 no mós iha Ró laran loke kafetaria,biblioteka, faan livru hodi loke ba publiku hahu aban loron 16 to’o 26 janeiru.
Ró MV DOULOS HOPE sei atraka durante loron 12 hahú iha loron 15 Fulan Janeiru to’o loron 26 Fulan Janeiru Tinan 2026 ho objetivu Vizita Mv Doulos Hope Mai Timor-Leste ho Biblioteka hodi Oferese livru oioin.
Nia dehan,atu Habelar espíritu aprendizajen no esperansa liu husi livru no interasaun ho tripulasaun ró nian husi nasaun oioin,Simu vizitante sira, fornese esperiénsia úniku ida hodi haree biblioteka flutuante boot liu iha mundu.

Tuir oras ne’ebé Ro Mv Doulos Hope sei loke ba públiku mak hahú iha oras tuku 10;00 dader to’o 17;00 otl ho kada loron simu vijitante 300 pesoas no oferese ba públiku kuaze 2.000 títulu livru.
Iha fatin hanesan,Representante Ministeriu Turismu Ambiente (MTA), Edson Robert Noronha hateten Visita Ro MV Doulos Hope ne’e iha kolaborasaun ho Ministeriu Turismu Ambiente (MTA) ne’ebe fasilita mós biblioteka husi ekipa Doulos Hope.
” Normalmente ita halo kolaborasaun entre Ró kruzeiru sira bainhira mai ita halo fasilita entermus de halo promosaun ba situs turistiku no mós fasilita Entermos de liña koordenasaun entre ministeriais sira” dehan nia.
Jornalista : Aniceto
Editór:Herminio Cardoso

