Loluwari Média (Díli) – Falintil Forsa Defeza Timor-Leste (F-FDTL) liu husi Polísia Militár (PM) selebra nia aniversáriu ba dala-21 no mahein saudozu Venansio Ramos Amaral “Feras” ba Tinan 2.
Xefe Estadu Maiór Jenerál F-FDTL,Tenente Jenerál Domingos Raul “Falur Rate Laek” hatete, ho sentidu Responsabilidade ne’ebé hafoun loron 17 de Janeiru 2026 nu’udar seremónia ida marka Instituisaun F-FDTL nia historia.
“Ohin ita selebra Aniversáriu Polísia Militár ba dala 21 no konsagrasaun Mahein PM Saudozu Venansio Ramos Amaral “Feras” ba Tinan 2 ho Aniversáriu ne’e momentu afirmasaun Unidade Polísia Militár nian”Dehan Falur Rate Laek” nia Diskursu hafoin komemora loron PM ba dala 21 iha Kintal Boot Dili, Sabadu (17/01).
Xefe Estadu Esplika, investimentu iha kapitál humanu akompaña ho komprimisiu metin atu dezenvolve no hadia metin rekursu no materiál inklui infraestrutura iha Polísia Militár nian.
“Modernizasaun ba ita nia Militár ho kualidade investimentu ba ita nia ema Polísia Militár nia abilidade lideransa no organizasaun no planeamentu ne’ebé forte iha Unidade Polísia Militár.”dehan nia.
Tuir Nia,Evolusaun ida ne’e vizibel no labele nega konsolidasaun PM ne’e nu’udar referensia laos de’it F-FDTL maibé mós ba Instituisaun sira seluk ne’ebé iha relasaun ka servisu hamutuk ho PM.
“Hau husu ba PM sira ita bo’ot sira nia misaun inkarna iha siensia no autoridade morál Forsa Armada nian liu-husi asaun sira tenke hametin padraun ne’ebé aas kona-ba Disipliña”dehan nia.
Protidaun no kapasidade operasionál tanba disipliña mak fundasaun ne’ebé disizidu hodi harii klima konfiansa estabilidade no lideransa ne’ebé mak populasaun sira haree.
Populasaun, Nia dehan, hein komportamentu ne’ebé diak iha atuasaun hotu-hotu tanba ne’e tenke inkonpora no inspira ba Povu hotu-hotu tanba imi mak sai espelu ba Militár hotu-hotu ne’ebé hatudu nia disipliña.
Edukadu hodi hatudu misaun no dever ne’ebé aas hodi aumenta espiritu Sakrifísiu ne’ebé bo’ot tebes ho vontade atu servi povu ho diak.
Komandante Unidade Polísia Militár (PM), Tenente Coronel Graduadu Mateus de Jesus hatete, komemorasaun Aniversáriu Unidade Polísia Militár nian ba dala 21 no Patronu PM Saudozu Venansio Ramos Amaral “Feras” ba dala rua marka historia ba Instituisaun F-FDTL.
“Ita nia Unidade Polísia Militár hahú moris iha tinan 2005 ho ita nia Efetivu pelotaun ida maibé asume nu’udar guarda disipliña ba autoridade Militár tuir konstituisaun lei ne’ebé vigora iha ita nia rai doben Timor-Leste.”dehan nia.
Aktividade PM ho Utilizasaun ultimu rekursu ne’ebé fo legitimidade ne’ebé hametin konfiansa ba públiku no ba F-FDTL tanba PM laos halo prevensaun ou hapara infrasaun disipliñar.
Maibé mós iha kompetensia atu garantia seguransa instalasaun militár no halo Investigasaun ba krime autór Militár sira no apoiu operasaun Militár hodi kolabora ho Autoridade Sivil iha situasaun krize no emerjensia.
“Ami PM nia responsabilidade morál no professionál ida ne’ebé imi labele haluha tanba membru PM iha koñesimentu ne’ebé klean ho kapasidade Investigasaun ba Integridade morál”dehan nia.
Nia dehan, Maske PM ho Efetivu 213 ho nune’e ne’e PM konsidera limitadu tebes maibé prontu halao misaun,Tanba ne’e presiza Rekrutamemtu foun iha nivel Soldadu atu responde ba servisu ne’ebé sei mai iha futuru.
Maibé Komandu PM nafatin komprometidu katak iha tinan 2026 PM sempre prontu disponivel no leal hodi kumpri kualkér Tarefas ne’ebé atribui ba PM.
Jornalista : Cesar Pires
Editór : Herminio Cardoso