Loluwari Média (Díli) – Primeiru Ministru (PM), Kay Rala Xanana Gusmão rekoñese mosu familiarizmu iha prosesu rekrutamentu kadetes foun Polísia Nasionál Timor-Leste (PNTL).
Xefe Governu ne’e hatete,Problema iha Rekrutamemtu PNTL sai problema boot tanba kadetes sira kontesta makaas to’o ba iha Palásiu Governu hodi ezize sira nia direitu.
Ho preokupasaun hirak ne’e,Konsellu Ministru deside hasai rezolusaun hodi kria komisaun foun para atu haree hodi bele hadia lakunas sira ne’e.
“Ami simu hotu buat sira ne’e ho Ministériu Interior ami horisehik iha Reuniaun Konsellu Ministru ami hasai rezolusaun ida atu suspende tiha tanba iha problema bo’ot.” Dehan Primeiru Ministru (PM), Kay Rala Xanana Gusmão ba jornalista sira iha Palásiu Prezidensiál Bairo-Pite Díli, kinta (12/02).
PM esplika, Rekrutamemtu Polísia sai problema ne’ebé hadia hodi kria Komisaun ida husi Polísia rasik no husi Polísia Portugal no Australia sai Komisaun Internasionál ida hodi haree didi’ak sala iha ne’ebé atu kurize hodi bele hasai desizaun ida justu.
“Halo foun fali hodi haree katak saida mak presiza ita atu hadia, hadia hodi simu Polísia foun tanba atus hat 400 maibé hatama 12 mill itál,2 mill itál mak latama no lasimu 10 mill ne’e hein Komisaun foun ne’e hodi monta iha ita nia rain ne’e katak iha Rekrutamemtu Polísia presiza ida ne’e, ida ne’e maibé halo ho loos labele hanesan babain sira temi Familiarismu ho baut sira ne’e.”dehan PM.
PM Xanana haktuir,kria Komisaun ne’e mai husi Portugal no Australia atu haree ba problema sira ne’e hodi evita problema labele ikus mai sempre iha problema ba Rekrutamemtu sira ne’e.
“Tanba ne’e ita hotu buka atu labele akontese tan familiarizmu iha instituisaun PNTL nian tanba ne’e mak ita reforma ne’e laos ita bolu kazuais, kazuais halo saida lae? Bolu atu servisu lae mai halo arbiru deit tanba ne’e governu ida ne’e atu kurize saida mak mosu tiha ona ita bele hadia” tenik nia.
Jornalista : Cesar Pires
Editór : Herminio Cardoso