Loluwari Média (Díli) – Falintil Forsa Defeza Timor-Leste (F-FDTL) hamutuk ho Tentara Nasionál Indonézia (TNI) liu-husi Angkatan Darat halo asina akordu kooperasaun kona-ba servisu intelijénsia no operasaun durante Tinan 10.
Komadante Komponente Terrestre F-FDTL,Coronel Domingos da Costa Soares “DOBU” Hatete, F-FDTL ho TNI husi Angkatan Darat ne’ebé kada Tinan 10 sempre halao treinamentu kona-ba troka Informasaun parte Servisu Intelligensia nian no ba Eskola Kapasitasaun ba kaveleria no klase ba kapitaun nian.
“Ohin ami asina akordu ba tinan 10 nian kona-ba apoiu Treinu no Edukasaun ne’ebé TNI liu-husi Angkatan Darat fó mai ita nia F-FDTL husi Komponente Terrestre nian oinsa atu fó kapasitasaun ba ita nia Forsa sira tantu husi Soldadu ate ofisiál ne’ebé mak hetan oportunidade.” Dehan Komadante Komponente Terrestre, Coronel, Domingos da Costa Soares “DOBU” ba jornalista sira iha JL Word Hotel Metiaut Díli, Segunda (23/02).
Tuir Nia, Parte husi Indonézia prontu apoiu F-FDTL atu nune’e TL bele halao treinamentu hamutuk hodi fó esperiénsia ba malu tanba ne’e F-FDTL nafatin koloka Efetivu nain 2 ou nain 3 ba Indonézia hodi tuir Formasaun.
Tanba ne’e, F-FDTL ho TNI asina akorudu ona hein atu implementa ba tinan 10 mai tan nian liu-liu kona-ba Cens Informasaun Intellijénsia nian iha Fronteira no mós iha rai laran.
Iha fatin hanesan Deputy Assistant Chef Of Staff for Intelligence Brigadeiru Jenerál, Vilian Wicaksono hatete, asina akordu entre TNI husi Angkatan Darat ho F-FDTL atu nafatin kooperasaun ho di’ak iha tinan 10 nia laran hodi fó treinamentu kona-ba Servisu Intelijénsia nian no mós Edukasaun Fíziku no Operasaun nian.
“Kada tinan ami sempre halao diskusaun hamutuk TNI liu-husi Angkatan Darat ho F-FDTL ita Servisu hamutuk kona-ba servisu Militár nian ba oin nafatin ha’u espera katak ba tinan 2026 ba oin ita sei halo buat barak”dehan nia.
Bainhira kooperasaun ne’e ba oin sei fahe pontus 3 ne’ebé importante mak troka Informasaun Intelijénsia nian, no ba parte Edukasaun nian tanba agora dadaun membru F-FDTL nain 4 mak tuir Formasaun akademia TNI iha Indonézia no tuir planu tinan ida ne’e nain 2 sei remata nia treinamentu iha akademia TNI iha husi Angkatan Darat no ida seluk husi Angkatan Laut nian.
“Ha’u espera katak koperasaun ohin ne’e ba oin ita sei aumenta membru sira husi F-FDTL ba iha akademia TNI iha Indonézia no ami mós sei rekomenda Membru TNI mai iha Timor-Leste atu aprende hamutuk no sira sei fokus liu ba treinamentu Operasaun nian no Simik nian iha Indonézia.”dehan nia.
Jornalista : Cesar Pires
Editór : Herminio Cardoso