Loluwari Média (Díli) – Komandante Tranzitu Seguransa rodaviariu, Superintendente Asistente polisia, Luís da Costa, hatete, Polísia Nasionál Timor-Leste liuhusi unidade Transitu Seguransa Rodaviariu iha fulan Novembru rejista kazu hamutuk 182 no Ema lakon vida nain 7.
“Ita halo pasarevista ka Swiping iha Novembru nia laran, ita rejista kazu hamutuk 182 kazu asidetentes no husi 182 kazu ne’e ema lakon vida hamutuk na’in 7 no kanek todan hamutuk 32 no kanek ka’aman hamutuk 109.” Dehan Komandante Transitu Seguransa Rodaviariu, Superintendente Asistente polisia, Luís da Costa, ba jornalista sira iha Komandu Jerál PNTL Kaikoli, Dili, Segunda (09/12).
Luis dehan, unidade polísia TSR rezista kazu hamutuk 182, nune’e komandante transitu husu ba infrator sira atu utiliza transporte labele ho kondisaun lanu no lori ho karta kondusaun, uza kapasete inklui monta sapa matrikula.
“Total kazu ne’e mak nia finaliade ida mak hetan ona iha tribunal nomos sei iha prosesu tribunal nia laran mak hamutuk kazu 5 no sei iha prosesu nia laran hamutuk 81 no rejolve iha nivel infratores hamutuk 95.” Nia relata.
Faktor ne’ebé mak influensia ba dezastre ne’e mosu mak fator humanu mak as liu, iha fulan Novembru PNTL liuhusi Poltrans konsege rekolla reseitas ba iha Kofre estadu hamutuk 60.400,29 dollares Amerikanus.
Nia subliña husi reseitas hirak ne’e Komandu Munisípiu Díli, okupa primeiru lugar, depois komandu PNTL munisípiu Bobonaro, Diresaun Tranzitu Nasional no Komandu PNTL munisípiu Aileu.
“Infrasaun sira ne’e mai husi infrator sira ne’ebé mak komete infrasaun makaas no kontra Autoridade no mos infrator sira la lori dokumentus original no infrator sira la utiliza kapasete no inspesaun liu prazu inklui kontra sinais Tranzitu.
Jornalista : Chay Risky