Loluwari Média (Díli) – Polísia Nasionál Timor-Leste (PNTL) rejista kazu krime hamutuk 69 durante semana ida iha fulan Dezembru Tinan ne’e.
Portavós Komandante Diresaun Departementu Investigasaun Kriminál (DSIK), Superintendente Polísia, João Belo dos Reis, hatete, dadus krime ne’ebé PNTL rejista durante semana ida iha sistema jestaun insidente hahú husi Nasionál to’o postu hamutuk 69.
“Tipu kazu 5 lahanesan ne’ebé ami konsidera aas liu mak Violensia doméstika 19, asaltu malu hamutuk 14 disturba Jerál hamutuk 4 Estraga Propriedade Estadu hamutuk 3,iha Munisípiu Díli produs kazu barak liu kompara ho Munisípiu sira seluk.” Dehan Diretór Diresaun Servisu Investigasaun Kriminál (DSIK), Superintendente Polísia João Belo dos Reis Portavós ba jornalista sira iha sala Konferensia Ministeriu Interior (MI) Villa Verde, Kinta (04/12).
João Esplika kazu Violensia domestika ne’ebé numeru aas iha munisípiu Dili hamutuk 14 siknifika iha kapitál Díli produs Violensia domestika kada loron rua ba leten.
Alende ne’e,Kona-ba insidente Seguransa Rodaviariu nian ho total insidente hamutuk iha semana nee nia laran 47 no husi total 47 Asidente nee kauza kanek kaman 65 kanek todan 10 no ema lakon vida 4.
“Dadus infrasaun Tránzitu Seguransa Rodaviariu nian Poltras kontrola momentu transporte Publiku no Privadu iha estrada publiku nian Poltras detekta utilizador sira kontinua halo infrazaun viola kodiku Tranzito nian”dehan nia.
Tanba ne’e Polísia Tránzitu detekta Trasporte Privadu 158 no transporte Públiku hamutuk 16 no transporte Publiku ne’ebé la lori dokumentus transporte nian hamutuk 81.
Tipu infrasaun ne’ebé PNTL i detekta husi infratores ne’ebé lalori dokumentus hamutuk 60 inspesaun liu prazu 55 kontra Autoridade inspesaun 42,la uza kapasete hamutuk 36, no kontra sinais hamutuk 33.
Iha munisípiu dili produs infrasaun hamutuk 133 iha munisípiu Baucau produs infrasaun hamutuk 40 no iha munisípiu Ermera 36, Munisípiu Covalima hamutuk 31 no iha munisípiu Aileu hamutuk 15.
Husi númeru ne’e,Reseitas husi Infrasaun no sirkulasaun transporte Estranjeiru sira nia reseita ne’ebé Poltras aplika ba infratores sira ne’ebé viola kódiku Estrada PNTL hatama ba konfre estadu hamutuk $8.420.
Reseitas sirkulasaun transporte Estranjeiru husi Postu Integradu Batugade hamutuk $1.176, husi postu Salele hamutuk $1.137, husi postu sakato hamutuk $113 no husi Postu Oesilo hamutuk $55 ho total postu Integradu hamutuk $8.881.
Karreta ne’ebé tama iha Fronteira Batugade 120 karreta, husi Salele karreta 54 husi Sakato hamutuk 33 karreta no Oesilo hamutuk 7.
Entretantu Movimentu Sidadaun Estranjeiru ne’ebé tama no sai, feto hamutuk nain 2863 mane na’in 4
Jornalista : Cesar Pires
Editór : Herminio Cardoso