Loluwari Média (Díli) – Polísia Nasionál Timor-Leste (PNTL) husi Diresaun Tranzitu Seguransa Rodaviaria implementa ka prega lei kodigu estrada numeru 6/2003 iha artigu 207 ba Motorista sira ne’ebé laiha karta kondusaun tenke kumpri 72 iha sela hafoin aprejenta ba Ministériu públiku (MP).
Xefe Tranzitu Seguransa Rodaviaria Munisípiu Díli, Superintendente Assistente Polísia, Delfin da Silva Hatete, Polísia Nasionál Timor-Leste (PNTL) liu-husi Diresaun Tranzitu Seguransa Rodaviaria implementa lei ba Motorista sira ne’ebé la iha karta kondusaun hodi kondus motór no kareta mak Tranzitu sei prega lei numeru 6/2003 artigo 207 ba Motorista sira hodi kumpri 72 iha sela.
“Agora dadaun ita implementa lei numeru 6/2003 artigu 207 ne’ebé Motorista sira kondus motor ou kareta maibé laiha karta kondusaun mak ami sei hatama ba sela 72 hotu mak ami aprejenta ba Ministériu públiku hodi hein desizaun.” Dehan Xefe Tranzitu Seguransa Rodaviaria Munisípiu Díli, Superintendente Assistente Polísia Delfin da Silva ba jornalista sira iha Komandu Munisípiu Díli (KMD), kinta (29/10).
Nia esplika iha fulan kotuk Motorista kuaze nain 10 resin mak tama sela kumpri 72 hafoin aprejenta ba Ministériu públiku.
“Agora ba oin mós ita nafatin aplika lei ida ne’e, lei ne’e la hare ba o mutin ka metan maibé hotu-hotu kumpri ba lei. Laiha ema ida mak bo’ot liu lei, tantu ema ho kondisaun diak nomós ba kondusaun ema ho defisiénsia sira tanba foin dadaun ema ho defisiénsia ida kontra infrasaun ema dehan ne’e ema ho Difiseinte tanba saida mak nia mós tenke selu infrasaun lei hakerek ema mak diferente maibé lei la diferente tanba lei asegura nia para nia labele diferente ba dala 2 tanba ne’e lei vale ba ema hotu.”
Husu ba ema hotu-hotu tau atensaun ba lei no lei mak sai sasukat ba ema hotu nia Seguransa liu ba Seguransa Rodaviadia nian.
Jornalista : Cesar Pires
Editór : Herminio Cardoso