Loluwari Média (Metinaro) – Komandante Forsa Apoiu Jerál (FAJ), Coronel, Celestino Pinto Daeleba, hatete, Membru F-FDTL na’in 8 husi Komponente Tereste na’in 3, Komponente Aero Lijeiria na’in 2, Unidade Polísia Militár (PM) 1, Unidade Falintil (UF) ida no Centru Instrusaun Comadante Nicolau Lobato, Metinaro, (CICNL), ida termina kursu lian ingles.
“Ita nia kooperasaun ho Australia no Portugal, tanba Portugal ita hola parte iha Comunidade Paizes Lingua Portuguesa (CPLP) no Australia, ita tenke hatene Ingles tanba ita hola parte multilateral ho nasaun Amerika, Australia no Japaun inklui Malaysia nune’e ita tenke hatene lian Ingles no Portugues.” Dehan Komandante Forsa Apoiu Jerál (FAJ), Coronel, Celestino Pinto Daeleba, ba jornalista sira iha CICNL Metinaro, kuarta (18/12).
Superior ne’e relata, Membru F-FDTL husi komponente Tereste, Aero Lijeiria, Unidade Falintil, Unidade Polísia Militár, inklui CICNL hamutuk na’in 8 ne’ebé formasaun lian Ingles durante tinan ida ne’e aumenta kuñesimentu lian ba membru sira no sai bukae ida hodi dezenvolve instituisaun F-FDTL ba futuru ho modernu.
“Ita tenke aprende lian Ingles, bainhira ita ba nasaun ne’ebé ita kooperasaun ho multilateral nomós ita ba servisu iha nasaun estranjeiru tenke hatene lian Ingles no Portugues, no la’os ida ne’e de’it maibé atu kursu Xefe Estadu Maiór nian ita tenke hatene lian Ingles.” Nia argumenta.
Forsa agora halo modernizasaun ona ne’ebé foinsae sira no Forsa foun sira tenke hatene lian Ingles no Portugues nune’e bele ba kursu Xefe Estadu Maiór no seluk tan.
“Iha kursu akademia no kapasitasaun ita tenke hatene lian Ingles mak ba Australia no Amerika inklui fatin sira seluk ne’ebé ita atu determina ita nia academia, tinan ida ne’e ka tinan oin mai ita tenke prozeta hanesan ne’e, tanba ne’e mak imi prepara molok atu ba.”
“Instutisaun prepara imi lian Ingles la’os iha Metinaro de’it maibé iha Komponente Terestre, komponente Naval no mos komponente Aero Lijeiria ne’ebé hahu prepara diak molok mai iha CICNL.
“Ha’u husu ba Ofisiáis subalternu sira atu prepara ba manutensaun ba paz tanba agora ita iha Sudaun Súl inklui ita iha Lebanon atu prepara di’ak no kursu ba Xefe Estadu Maiór no kursu observador nian, tanba ne’e mak hatene lian Ingles atu domina materia bainhira la domina mak sei problema ba ita.”
Defence Koperation Education, Coronel, Andrew Flanayan, agradese ba graduadu sira tanba durante kursu tinan ida nia laran halo esforsu makaas to’o formasaun ne’e remata.
“Imi nia formasaun lian Ingles ha’u kongratula ba imi hotu nia atitude no imi nia susesu sai hanesan previllezu bo’ot ida mai ha’u no ha’u husu imi atu estuda makaas, ba futuru Timor-Leste nian tanba imi hakat ona dezafiu boot.”
Jornalista : Chay Risky