Loluwari Média (Tibar) – Xefe Operasaun, Falintil Forsa Defeza Timor-Leste (F-FDTL), Coronel, João da Costa Esteves, hatete, membru F-FDTL husi Kuartel Jenerál realiza Ezersisiu forsada husi Nasuta Suku Tibar, postu administrativu Bazartete, munisípiu Liquiça to’o Tasi-tolu.
“Ohin ami hala’o marsa Forsada husi Nasuta to’o iha kuartel ne’e nu’udar programa ida ne’ebé tama iha treinamentu operasionál matrix anual nian.” Dehan Xefe Operasaun, Falintil Forsa Defeza Timor-Leste (F-FDTL), koronel, João da Costa Esteves, ba jornalista sira, iha Nasuta, Liquiça, kinta (19/12).
Coronel João esplika, exersisiu Forsa Marsada ne’e atu koko Forsa armada sira nia psikologiku no forsa nune’e sira bele tu’ir treinamentu operasionál inklui sukat militár sira nia saúde.
“Forsa marsada ne’e la’os kuartel General mak halo maibé kada komponente no unidade sira hotu iha programa rasik inklui mos ezersísiu sira seluk ne’ebé ita hahu iha Janeiru to’o fimdo ano ida nee.”
Marsada ne’e ho nia objetivu atu koko piskologikamente ba Forsa Armada hotu-hotu no ba individualmente no haree mos ba espiritu de korpu no espiritu kamaradajen ba militár hotu-hotu ne’ebé halo marsa nomos Exersisiu sira séluk.
“Marsada ne’e komandu bele halo avaliasaun katak militár sira ne’e iha forte moral no tenke iha espiritu kamaradajen no espíritu korpu iha ka lae ne’e no marsada ne’e bele mos sukat saúde militár ida-idak nian atu nune’e bele halo protidaun operasionál ba militár ida ne’ebé mak kaer parta hanesan area Defeza fizikamente ladun garantidu atu bele asegura nia misaun ne’ebé mak konsagra iha artigu 146 ne’ebé ladun apropriadu tanba ne’e mak presiza haree ita nia forsa sira nia fizikamente no moralmente fo protidaun operasionál ba ita nia militár hotu-hotu.”
“Ohin Membru F-FDTL hamutuk atus ida resin mak hala’o marsada husi Nasuta to’o kuartel General no ba oin efetivu sei liu ida ne’e.”
Jornalista : Chay Risky