Loluwari Média (Díli) – Komandante Munisípiu Díli (KMD), Superintendente Xefe Polísia, Orlando Gomes, informa, akontesementu mais ou menus tuku 7 kalan iha vitima tula hela nia namorada ba paseiu iha Dolok Oan hafoin vitima ho nia namorada istóri malu no hirus malu tan de’it nia namorada la simu telefone iha Dolok Oan nune’e vitima tula fila-fali nia namorada mai uma, maibé vitima tula nia namorada la ba liu Becora maibé sei pasiar iha area Dili, laran nune’e nia namorada fo hatene nia maun sira, iha Lecidere suspeitu baku vitima grave to’o tama iha Ospital.
“Iha kazu ne’ebé akontese iha 14 Jullu tinan ne’e, iha area Bidau bainhira ita nia vitima tula nia namorada iha Domingu sira na’in rua ba Dolok oan no istóri malu tan de’it vitima kontaktu nia namorada la foti, sira na’in rua istóri malu iha momentu ne’eba. entaun vitima nia namorada fo hatene ba nia maun sira buka tu’ir hodi hetan vitima ho nia namorada iha area Lecidere nian hodi baku vitima to’o grave ba Hospital Nasionál Guido Valadares (HNGV) ikus mai vitima la konsege salva nia vida.” Dehan, Komandante Munisípiu Díli (KMD), Superintendente Xefe Polísia, Orlando Gomes, ba jornalista sira iha eskuadra Dom Aleixo Aimutin Dili, Tersa (15/07).
Gomes hatete, nu’udar maun la simu aktus husi vitima, tanba bainhira vitima ho nia namorada histori malu no vitima baku nia namorada iha Dolok oan no istóri malu to’o lokraik. Hafoin vitima tula nia namorada fila-fali mai uma, tanba ne’e hanesan maun sira la simu no hein baku vitima to’o grave ikus iis kotu iha HNGV.
“Hanesan maun sempre defende nia alin no buka tu’ir maibé vitima tula nia namorada ba Dolok oan hodi baku tan, de’it la simu telefone. Tanba ne’e mak vitima nia namorada imbox liuhusi whatsap haruka nia maun sira buka no duni tu’ir hodi hetan iha Lecidere hodi baku vitima to’o grave didiak mak lori vitima ba HNGV, maibé vitima la konsege salva nia vida.
“Ita nia vitima to’o iha HNGV la konsege salva nia vida, tanba ne’e mak kazu ne’e ita halo ona prosesu no ita identifika suspeitu na’in tolu no ita detein ba 72 oras iha eskuadra Dom Aleixo, hodi kontinua prosesu ba Ministeriu Públiku (MP) hodi halo Primeiru Interogatoriu.”
“Suspeitu na’in 3 ho vitima nia namorada mak agora daudauk PNTL husi Komandu Munisipiu Dili detein iha eskuadra Dom Aleixo hodi kumpri 72 oras.”
Tanba kazu ne’e rasik prosesu investigasaun sei la’o hela, ita hotu hein ita nia suspeitu ho inisial JB, AD no BD vitima ho naran Mario Quintão ne’ebe oras ne’e daudauk nia mate isin iha HNGV hodi hein prosesu autopsia.”
Iha sorin seluk Vitima nia aman ki’ik, Pedro Lopes Silveiro, husu ba Autoridade Seguransa, PNTL, atu aselera kazu ne’e ba oin prosesu tu’ir lei.
“Ami hanesan familia husu ba PNTL atu aselera lalais kazu ne’e, tanba saida mak ami nia alin lakon nia vida karik, ami nia alin hetan asidente mak lakon nia vida ami simu ho liman rua. Tanba distinu ita hotu la espera maibé liga ho planu ruma ou grupu ruma mak halakon ami nia alin nia vida ami hakarak justisa no lia los.”
Familia vitima hein prosesu autopsia atu hetan evidensia forte ba kazu ne’e rasik vitima mai husi suku Fatumakerek, postu administrativu Laklubar, munisípiu Manatuto.
Jornalista : Chay Risky