Loluwari Média (Hera) – Komandante komponente Navál Comodoru, Higino das Neves, hatete, Exersisiu Kombinasaun Armas ensera durante semana 2 loron 14 imi hala’o tratamentu hamutuk fahe esperiénsia ba malu, tanba Forsa Defeza Timor-Leste (F-FDTL) husi Komponente Navál, Komandante Terestre, Komponente Aeria Ligeira, Unidade Polísia Militár (PM) no Unidade Falintil (UF) sempre servisu hamutuk atu garante Soberania Timor-Leste nian.
“Ohin ita ensera treinamentu Exersisiu kombinasaun armas ho imi nia vontade tomak, tanba ho matebian sira nia akompañamentu forsa ida ne’e ba oin defende ita nia rai no ita nia Povu.” Dehan Komandante Komponente Navál Komodoru, Higino das Neves, ba jornalista sira, hafoin ensera Treinamentu exersisiu Kombinasaun Armas iha Komponente Naval Hera, Sexta (25/07).
Superior ne’e hatete, treinu kombinasaun armas ne’e tanba imi nia pasensia ho sakrifísiu no vontade tomak imi bele sussesu iha exersisiu.
“Exersisiu kombinasaun armas ida ne’e atu prepara imi hodi ba hala’o exersisiu kobra oin mai, no ami prepara imi para imi sai forsa ne’ebé professional liu hodi hala’o ita nia misaun ida ne’ebé ita nia Estadu fo hela ba Instituisaun F-FDTL.
FDTL nia kna’ar laos defende de’it inimigu mai husi estranjeiru maibé forsa nia kna’ar ida ne’ebé atu servisu hamutuk ho Autoridade sira seluk atu bele garantia paz no estabilidade iha Timor-Leste.
“Exersisiu kombinasaun armas ne’e ho susesu tanba imi nia relasaun amizade servisu kombinasaun, ohin loron imi ida-idak konsege hatudu imi nia kapasidade hodi bele hetan primeiru, segundu, terseiru no kuartu lugar klasifikasaun ne’ebé durante imi hala’o. Iha tempu ne’ebé de’it bainhira ita nia na’i ulun sira fo kna’ar ba ita, ha’u nia parabéns ba ita bo’ot sira hotu ba susesu ida ne’e.”
Exersisiu kombinasaun armas tinan oin sei hala’o iha komponente Terestre, tanba imi nia servisu hamutuk exersisiu sira ne’e ho diak hatudu imi nia kapasidade ho diak atu nune’e Forsa ida ne’e ba futuru lutu ne’ebé diak ba nia povu.
“Ha’u fiar katak forsa ida ne’e sei entrega ba ita bo’ot sira iha loron ida ne’eduni servisu importante, tanba forsa kria kamaradazen iha situasaun saida de’it ita nafatin servisu hamutuk tanba operasaun saida de’it forsa komponente tolu sei hamutuk hodi asegura ita nia Soberania.”
F-FDTL sei hala’o exersisiu kombinasaun armas hamutuk ho forsa amiga País sira seluk, tanba Exersisiu kombinasaun armas ne’e mak sei destina imi nia distinu Exersisiu bo’ot nian tanba ne’e pasu ida imi hahu no ba futuru nian tanba vida militár iha nia kapasidade atu uza kualkér tempu ne’ebé akontese prontu atu destroi.
Jornalista : Chay Risky