Loluwari Média (Díli) – Diretór Diresaun Investigasaun Kriminál Nasionál (DIKN), Superintendente Polísia, João Belo dos Reis, informa, iha 24 Jullu 2025, Diresaun Investigasaun Kriminál Nasionál halo operasaun ida ba suku Bairro-Pité, tanba iha informasaun katak fatin ne’e explorasaun seksual.
“Iha suku Bairro-Pité, sidadaun balu halo atividade explorasaun seksual tanba ne’e mak Investigasaun Kriminál Nasionál identifika lezadu na’in 7 no sasin na’in 1 agora daudauk iha ona prizaun Preventiva.” Dehan, Diretór Diresaun Investigasaun Kriminál Nasionál (DIKN), Superintendente Polísia, João Belo dos Reis, ba jornalista sira, iha Kuartel Jerál PNTL, Kaikoli, Dili, Segunda (28/07).
Belo explika atividade explorasaun seksual suspeitu hetan prizaun preventive, tanba atividade ne’e rasik to’o ona iha munisípiu Baucau no Same.
“Ami hanesan autoridade seguransa husu ba sidadaun hotu-hotu atu bele halo keixa ba grupu balu halo hela atividade explorasaun seksual iha munisípiu tantu iha fatin ne’ebé de’it atu nune’e Polísia Nasionál Timor-Leste (PNTL) halo preparasaun imediata tanba bele fo impaktu ba ema nia vida liliu ba joven sira hotu.”
Servisu Nasionál Inteligensia (SNI) kontinua halo patrullamentu makaas bainhira identifika mak autoridade seguransa (PNTL) sei la tolera sidadaun sira ne’ebé halo atividade explorasaun seksual ne’e.
“Ami nia operasaun la’o hela atu buka tu’ir no identifika ba fatin-fatin ne’ebé halo explorasaun seksual, tanba atividade ne’e kontra lei no oinsa sidadaun sira bele hado’ok an husi moras HIV-SIDA, tanba moras ne’e bele hada’et ba ema seluk liliu joven sira nia vida.”
Jornalista : Chay Risky