Loluwari Média (Díli) – Portavós Sekretáriuadu Komisaun Rekrutamemtu Polísia Nasionál Timor-Leste (PNTL), Superintendente Polísia, António da Lúz, informa, sekretáriuadu Komisaun Rekrutamemtu PNTL husu ba kandidatu no kandidata sira atu estuda Konstituisaun RDTL, Matemátika, Geografia, Historia, Lingua Portuguesa no Tetun.
“Kona-ba Métodu selesaun ba kandidatu foun PNTL 2025 ne’e, ami bazeia ba Ministeriál Diplomásial numeru 17/25 ne’ebé iha artigu 29, 30 no 31, ami sei fo sai kona-ba provas selesaun sira tanba iha métodu selesaun iha artigu 29 hatete iha provas oin lima (5).”
António esplika primeiru prova kulturál ka ezame eskrita, segundu prova aptidaun fozika ne’ebé sei pasa iha prova kulturál nian no prova aptidaun fizika ba datoluk mak prova psikolojia sei fahe ba parte 2 mak sei iha prova eskrita no prova psikomotoris ba dahat sei iha intrevista professional se bainhira pasa ona iha prova psikolojia no ikus liu mak prova mediku se bainhira kandidata sira hakat ona provas 4 ne’e mak sei iha prova medika ne’e nia prosesu eliminatoriu.
“Bainhira kandidata sira la liu prova ida mak nia sei la hetan ou lakon ona tanba iha artigu 30 ko’alia kona-ba prova kulturál konstitui husi materia ne’e mak Konstituisaun RDTL, Matemátika, Georgrafia, Historia, Lingua Portuguesa no Tetun. Tanba ne’e husu ba kandidatu no kandidata sira atu bele estuda materia espesifiku 6 ne’e mak sei fo teste ba kandidatu no kandidata sira.”
Iha artigu 31 ko’alia kona-ba aptidaun fizika ne’ebé kompostu husi fleksoens ho liman ou Ree Stop ou Pool Up ou tara an ne’e ba mane de’it, estensaun liman ba rai ka (Push Up) ne’e ba feto, sei iha mos selesaun ba airin ka seet up ne’e ba mane no feto, sei iha mos halai minutu 12 ba mane metru 12000 ba feto 18000 ne’e durante iha minutu 12 nia laran.
“Ita nia kandidata sira sei la’o iha portiku leten kuaze metru 5 atu koko kandidata sira nia mentalidade no sei iha salto ou haksoit moru ba mane sei haksoit moru ho 0,90 sentimus ba feto 0,70 sentimus.”
Bainhira ezersisiu fizika ne’e sistema eliminatoriu sistem (Gigur) bainhira la liu ida mak nia la liu ou elimina ona. Tanba sistema eliminatoriu ba kandidatu no kandidata sira laiha akumulativu, tanba ne’e mak kandidatu no kandidata sira prepara an didiak no estuda makaas.
“Ita nia prosesu hotu-hotu hanesan maske publiku kestiona kona-ba kotasaun 20% ba polísia nia oan no 20% ba veteranus nia oan ita nia prosesu hotu-hotu hanesan bainhira kandidata ne’ebé iha kompetensia mak nia liu tanba ne’e ami husu ba kandidatu no kandidata sira hotu atu esforsu tanba ami Komisaun Rekrutamemtu sei la halo diskriminasaun no laiha favoritizasaun katak atu fo importansia ba ida de’it maibé ne’e hotu-hotu sidadaun timor oan.”
Kandidatu no kandidata sira ne’ebé foti ona formulariu total 14.595 kompostu husi Feto hamutuk 3676 ba Mane 10.919, ba mane ne’ebé la liu selesaun alturas no iha tato total 2370 no ba feto 1611, tanba ne’e mak husu ba joven sira bele mai foti formulariu to’o iha 29 mak foin termina.
Jornalista : Chay Risky