Loluwari Média (Díli) – Prezidente Repúblika (PR), José Ramos- Horta, hatete, ohin selebra Fundasaun Falintil ba dala 50 fo hanoin mai ema hotu katak konflitu Trazu da luta ne’ebé akontese iha Timor-Leste, mak konflitu entre Timor-Leste ho Indonésia.
“Lisaun ne’ebé ita tenke aprende husi kapitulu nakukun ne’ebé hakotu ita nia historia, evita retórika politika no idologia ne’ebé ladun diak ho realidade seluk no halo dialogu, tanba dialogu mak dalan uniku atu prevene konflitu hodi kontrasta violénsia.” Dehan Prezidente Repúblika, José Ramos- Horta, nia diskursu iha komemorasaun loron Falintil ba dala 50 iha Tasi-Tolu, Dili, kuarta (20/08).
Xefe Estadu esplika, 20 de Agustu Timor oan tenke hanorin nu’udar mos loron ida ne’ebé lider politika sira la konsege halo dialogu loron trasaun ba Timor-Leste nia historia ne’ebé labele repete.
“Ita selebra loron Falintil ne’ebé halo funu no iha konfrontu atu defende ita nia Soberania, ita selebra Luta armada atu fo homenajen no fo agradesimentu bo’ot no klean ba Herois no Martires sira no mos ba ita nia heroi sira ne’ebé sei moris. Ha’u sadia no hakruk ba Veteranus no Veterana sira no Frente klandestina nian no mos ba foinsa’e sira inklui ba bispu, Madre no Padre liliu Igreja katolika ho korajen no esperansa Nasionál ba imi hotu.”
Loron Falintil hanoin ne’ebé inspira povu hotu tanba Timor-Leste nakonu ho ran no ruin naklekar mak hetan nia independénsia.
“Falintil halo funu husi Feto no Mane Ferik no katuas, Joven no labarik ho sira nia aten brani hodi luta no asegura soberania Timor-Leste ho ida ne’e mai ita hakruk no fo homenagen ba sira hotu-hotu tanba sira mak nu’udar ita nia airin moral ba ita nia Independénsia.”
Jornalista : Chay Risky