Loluwari Média (Díli) – Advogadu privadu Cancio Freitas, informa, kazu ohin dader oras haleu ba tuku 07 ho balu kona-ba prosesu ohin relasaun ho buat ne’ebé suspeita husi Komisaun Anti Korupsaun (CAC) no Diresaun Servisu Investigasaun Kriminál Nasionál (DSIKN) halo buska no apreensaun ba krime fraude konstrusaun no partisipasaun ekonomia iha Villa Verde.
“Maibé ita lahatene faktu ne’e oinsa, no tanba saida mak buat sira ne’e akontese mai buska domilisiariu ne’e tanba iha mandadu Tribunal ne’ebé maka autoriza Polísia Nasionál Timor-Leste (PNTL) liuhusi Diresaun Servisu Investigasaun Kriminál (DIKN) no CAC halo nia servisu hodi buska no apreensaun atu bele rekolla informasaun sira ne’ebé mak relasaun ho krimi fraude konstrusaun no partisipasaun ekonomia ida ne’e mak ohin sira halo.” Dehan Advogadu privadu, Cancio Freitas, ba jornalista sira iha Villa Verde, Dili, tersa (26/08).
Freitas esplika, nia kliente nu’udar emprezariu ida depois investigasaun mak bele fo klaru, kona-ba prosesu ne’e nia kliente seidauk iha estatutu ida kona-ba arguidu ka suspeitu.
“Buska ne’e atu mai rekolla informasaun kona-ba relasaun krime fraude konstrusaun partisipasaun ekonomia. Agora ha’u nia kliente seidauk tama iha faze ida tantu suspeitu no arguidu.”
Informasaun husi parte balu katak buska no apresaun ne’e kazu projetu irigasaun balu iha Seloi Malere, Aileu advogadu seidauk hatene kona-ba informasaun no faze investigasaun mak bele hatene nia seidauk bele ko’alia kazu Aileu ga, kazu Ermera, kazu ne’ebé seidauk hatene tanba kompañia halo atividade barak.
“Ita kumpri de’it mak buska domilisiariu ne’ebé mak Tribunal notifika mai sai iha 30 Jullu 2025. ohin Polísia sira mai halo nia servisu no dokumentus sira ne’ebé arolla sei iha auto de nutisia sira ne’e depois mak dokumentus sira ne’e entrega ba imi, iha faze Investigasaun. Karik iha ona akuzasaun bele fo ba ita bo’ot sira asesu ba publiku tu’ir lei, ha’u sei fó. Tanba lei seidauk fo dalan atu bele publika, tu’ir nia kompañia ho inisial L ita bele ko’alia katak laiha ligasaun ho uma ne’ebé ohin sira mai Buska domilisiariu ne’e.”
“Uma ne’ebé kompañia aluga iha Vila Verde utiliza ba servisu atividade kompañia, rezidensia emprezariu ba kompañia L ne’e iha Tibar, munisipiu Liquiça. Depois remata buska no apresaun iha Villa Verde ekipa investigasaun sei kontinua ba rezidensia emprezariu nian iha area Tibar hodi arolla faktus liga ho kazu fraude konstrusaun partisipasaun ekonomia ne’e.
“Tu’ir Lei ita hanesan sidadaun ita tenke koopera kontribui ba ita nia dezenvolvimentu iha ita nia rai laran.”
Buska no apresaun iha Villa Verde ne’e ekipa DSIK no CAC arolla dokumentus no evidensia mak kareta ho marka Honda Fit numeru matrikula B.22.408 inklui konta bankaria BNCTL kompañia nian no mos Telemovel inklui dokumentus balu iha Box ida.
Observasaun loluwari.tl iha terenu ekipa diresaun servisu investigasaun kriminal (DSIK), apoiu husi komisaun anti korupsaun (CAC) haleu iha tuku 07 liu minute 30 ezukuta mandadu buska no apresaun husi Tribunal Judisial Primeira Instansia Dili (TJPID) ho Numeru Uniku Krime (NUK) 0013/25.CACTL ba Suspeitu deskuñesidu, vitima estadu Republika Demokratika Timor-Leste (RDTL) krime 1 partisipasaun ekonomia negosiu Artigu. 86° no fraude konstrusaun Artigu. 96° Lei NU. 07/2022. Iha Villa Verde.
Jornalista : Chay Risky