Loluwari Média (Díli) – Portavós Sekretáriuadu Komisaun Rekrutamemtu Polísia Nasionál Timor-Leste (PNTL), Superintendente Polísia, António da Lúz, husu ba kandidatu sira ne’ebé mak simu formulariu husi 5-25 Agostu 2025, hamutuk 17,148 pesoas ne’e sira ne’ebé mak liu ona admisaun ka aktu, iha mos sira ne’ebé mak laliu ka la aktu ho sira nia idade ne’ebé mak liu no altura mos la to’o hamutuk 4,702 pesoas. husi total sira ne’ebé mak submete ba iha pontu fokal ba ida-idak nia munisípiu hamutuk 4,428 pesoas.
“Iha ne’e ita fahe ba kategoria tolu no jeral mak hamutuk 3.037 peosas mane 2.254, feto 783 jerasaun patriota hamutuk 835 peosas mane 645 feto 190, no filho PNTL hamutuk 556 pesoas mane 396 feto 160.” Dehan Portavós Sekretáriuadu Komisaun Rekrutamentu Polísia Nasionál Timor-Leste (PNTL), Superintendente Polísia, António da Lúz, ba jornalista sira iha sala konferensia CFP Comoro tersa(26/08).
António da Lúz, informa ona ba kandidatu sira to’o iha dia 9-10 Setembru, pontu fokal husi munisípiu sira sei lori mai entrega iha sekretáriadu atu halo verifikasaun ba dokumentus sira. Depois halo verifikasaun sira sei taka sai naran sira ne’ebé mak liu iha selesaun dokumentus nune’e prepara an ba prova eskrita.
“Iha prova eskrita nia laran husu ba kandidatu sira tenke prepara material sira lapis 2B, regua, afiador, boraxa ka apagador. Husu kandidatu sira prepara ekipamentus sira ne’e hodi partisipa exame eskrita tu’ir mai iha ida-idak nia munisípiu.”
Husu ba kandidatu sira prepara an atu tuir ezame eskrita no kuidadu mos sira nia saúde no prepara mos sira nia fiziku. Tanba ne’e husu ba kandidatu sira tenke prepara an ho didiak. No Selesaun prova kulturál sei halo iha ida-idak nia munisípiu, prova fiziku no sira seluk mak sei hala’o iha Dili.
Jornalista : Chay Risky