Loluwari Média (Díli) – Komandante Operasaun Polísia Nasionál Timor-Leste (PNTL), Superintendente Xefe Polísia, Justino Menezes, informa, PNTL seidauk Autoriza estudante sira hala’o manifestasaun iha 15 Setembru tinan ne’e tanba Estudante sira la simu fatin Tasi-Tolu no sira hakarak Resintu Universidade Nasionál Timor Lorosa’e (UNTL).
“Ami sei kansela sira nia manifestasaun iha loron 15 Setembru tinan ne’e, tanba fatin sira la konkorda no la aseita, tanba sira hakarak areadores UNTL.
Maibé ami husu ba estudante sira, ita hotu hein desizaun kolektivu kona-ba fatin ne’e no ami hein sira nia resposta mai ita bele deside demostrasaun ne’e.”
Bainhira estudante ulun to’os loron 15 sira hala’o manifestasaun iha resintu UNTL nia oin hodi okupa fatin publiku ne’e autoridade Seguransa (PNTL) la fo fatin tanba ne’e hakarak manifestasaun ne’e la’o ho diak mak fatin ne’ebé PNTL deside.
Sosiédade sivil ne’ebé hakarak atu halo manifestasaun tenke iha karta kuñesimentu bazeia ba lei numeru 01/2006 atu nune’e PNTL iha kuñesimentu no Autoriza fatin atu sira bele halo nia manifestasaun ema hotu-hotu la’o tu’ir koridor lei. Tanba karta ne’ebé hatama ne’e universidade sira nian de’it bainhira Sosiédade Sivil inklina an mak PNTL sei halo atuasaun tuir lei.
Komandante Unidade Espesiál Polísia (UEP), Superintendente Polísia, Damião Correia, reforsa PNTL liuhusi Unidade Espesiál Polísia, prontu apoiu rekuñese humanu ba komandu munisípiu atu fo seguransa ba manifestasaun husi estudante Universidade hotu.
“Ami Prontu kualkér oras no kualkér minutu hodi asegura situasaun saida de’it no ami prontu atu haforsa Komandu Munisípiu Díli hodi fo seguransa maximu ba Manifestante sira atu nune’e ita nia manifestante sira bele hala’o manifestasaun ho diak kria paz no estabilidade ba ita nia rai no povu ida ne’e.”
“Ohin ami konvida reprezentante Portavós estudante sira ne’ebé atu halo manifestasaun hodi kontrasta Parlamentu Nasional kona-ba atu sosa kareta 65.”
Tanba antes ita nia estudante sira hatama karta iha 04 Setembru ba Komadante Jerál PNTL no komandante Jerál PNTL hasai despaixu mai iha komandante operasaun halo kedas enkontru ho komandante munisípiu Díli no Komandante Unidade Espesiál Polísia (UEP) atu deside fatin atu estudante sira hala’o nia manifestasaun.” Dehan Komandante Operasaun PNTL, Superintendente Xefe Polísia, Justino Menezes, ba jornalista sira, iha Komandu Jerál PNTL Kaikoli Dili, kuarta (10/09).
Komandante Operasinal PNTL, husu estudante sira bele hala’o manifestasaun tu’ir lei numeru 42 liberdade fundamental ne’ebé existe iha Timor-Leste.
“Ami aseita estudante sira atu halo manifestasaun hasoru Parlamentu Nasionál, maibé ami sei tur hamutuk hodi ko’alia kona-ba fatin. Tanba lei numeru 01/2006 artigu 13 ba autoridade polisial mak Autoriza fatin ba manifestante sira, tanba ita haree Dili laran bazeia ba lei numeru 4 no 5 katak tenke do’ok husi metru 100 husi fatin publiku no edifisiu estadu nian iha dili laran laiha.”
Nune’e ohin PNTL define fatin Tasi-Tolu ba Estudante sira atu halo manifestasaun to’o semana 2 ou fulan ida ne’e laiha problema no PNTL bele akompaña Manifestante sira nia Portavóz mai hasoru Deputadu iha PN atu hetan esklaresimentu maibé estudante sira lakohi, sira hakarak iha Resintu UNTL ne’ebé besik loos iha Parlamentu Nasional, tu’ir lei labele.
“Iha resintu UNTL ne’e so halo konferensia imprensa de’it ne’e bele no ami bele asegura iha liur hodi asegura de’it atu nune’e ema seluk labele destroi se bainhira estudante sira sai ona ba liur ne’e signifika sira halo manifestasaun ona ne’e labele. Tanba sira nia pedidu ne’e atu halo manifestasaun husi estudante Universidade hotu-hotu iha Timor laran tomak ne’e ema barak.”
Tanba ne’e mak fatin PNTL Autoriza mak fatin Tasi-Tolu, atu livre ba estudante sira atu espresa sira nia sentimentu tanba média Nasionál barak atu bele publika hodi ema hotu asesu ba estudante sira nia protesta sira ne’e laos areadores kampus mak sira bele asesu ba nai ulun sira, tanba ohin estudante seidauk konkorda no sira fila ba konfirma ho nia lider sira.
Jornalista : Chay Risky