Loluwari Média (Aileu) – Institutu Nasional kombate HIV-SIDA (INCSIDA) hala’o sensibilizasaun kona-ba prevene moras HIV-SIDA ba komunidade sira, iha suku Hautoho postu administratvu Rémixio, munisipiu Aileu.
Diretora nasional programa prevensaun no komunikasaun Anjelica da Costa Oliveira haktuir, progarama INCSIDA atu fahe kuñesimentu kona-ba Virus HlV/SIDA ba komunidade sira atu komunidade sira bele prevene an husi moras HlV/SIDA.
“INCSIDA nia objetivu atu mai fahe informasaun ba komunidade sira atu nune’e komunidade sira iha kuñesimentu ligadu ho HlV/SIDA atu nune’e sira bele prevene sira nia an husi risku transmisaun HlV/SIDA.” Dehan, Diretora nasional programa prevensaun e komunikasaun Anjelica da Costa Oliveira, ba jornalista sira, iha suku Hautoho, Tersa (16/09).
Nia haktuir, politika sensibilisazaun ne’e la’os de’it hala’o iha kapital maibé hala’o mos iha are rural atu hasa’e kuñesimentu komunidade sira, nune’e bele kuidadu sira nia an no kontrola an atu labele envolve an iha hahalok risku sira.
Iha sorin seluk partisipante, Marcelo Caetano, sente orgullu tebes ho atividade sensibilisazaun ne’ebé INCSIDA halo, liliu kona-ba moras HlV/SIDA iha suku Hautoho atu motiva komunidade sira ba futuru atu bele sai ema ne’ebé diak atu nune’e labele hanoin buat ne’ebé mak positivu.
“Ha’u sente orgullu tebes ho atividade ne’e ho esplíkasaun sira ne’ebé mak ami rona liliu ba ha’u nia an rasik no mos ba ha’u nia suku ba futuru hakarak sai ema ida ne’ebé diak liu atu nune’e labele hanoin buat ne’ebé mak positivu iha ita nia hanoin rasik no liuhusi materia hirak ne’e sai nu’udar lisaun ida ba ha’u atu núne’e ha’u bele implementa iha ha’u nia moris.”
Nia argumenta, ho materia ne’ebé mak sira hetan liliu kona-ba moras HlV/SIDA nian susar tebes atu kura tanba aimoruk laiha tanba nia sente orgullu tebes ho atividade sensibilisazaun ne’e, materia no informasaun ne’ebé mak sira hetan sira bele fahe ba joven ou komuidade ne’e mak la asesu ba informasaun.
“Ha’u hanoin pesoal ha’u mesak hanesan mai rona informasaun esplikasaun kona-ba HlV/SIDA nian karik ha’u iha opurtunidade diak karik tuur ho kolega ruma ha’u bele fahe informasaun no habelar fali ba ha’u nia kolega sira seluk ne’ebé mak la hetan informasaun kona-ba moras HlV/SIDA atu nune’e sira labele monu ba moras refere”.
Atividade sensibilisazaun ne’ebé mak hala’o iha suku Hautoho, postu administrativu Remixio, munisipiu Aileu, partisipante sira mos hasai ran hodi halo teste ba moras HlV/SIDA.
Iha atividade sensibilizasaun ne’e hetan partisipasaun husi komandante komando munisipiu Aileu no Diretor jeral saude munisipio Aileu no Diretora sentru saude remixio inklui komunidade suku Hautoho.
Jornalista : Nandes