Loluwari Média (Aileu) – Kuarta feira ne’e Instituto nasional Combate HlV/SIDA (INCSIDA) hala’o sensibilizasaun kona-ba prevensaun moras HIV-SIDA ba komunidade sira, iha suku Fahi Soy postu administratvu Rémixio, munisipiu Aileu
Prezidente Ínstituto nasional Combate HlV/SIDA Daniel Marcal haktuir tuir peskiza neebe mak halao iha fulan kotuk mairia joven iha teritoriu Timor laran 40% mak moris ona ho relasun sexual livre no transmite HlV ba Ema nia moris ho ida ne risku tebes ba ema nia moris liliu Moras HlV/SIDA.
“Resultadu peskiza ida foin iha fulan kotuk ne’e kuaze 40% joven feto sira sempre halo relasaun sexual liu mane no mane halo relasaun sexual liu feto tanba ne’e 40% feto halo ona relasaun sexual ho mane no mane halo ona relasaun sexual ho feto ne’e mak risku tebes sedauk konta mos ho ita kabe nain nebe’e mak halo relasaun sexual ho ema nia fen ho ema nia laen.” Dehan Prezidente Ínstituto nasional Combate HlV/SIDA Daniel Marcal ba jornalista sira iha atividade sensibilisazaun nebe mak halao iha suku Fahisoi postu remixio munisipio Aileu, kuarta (17/09).
Nia haktuir tan katak liu husi sexu livre ne’e mak halo sirkulasaun HlV sae makas ho ida ne’e atu regula sexu livre la diak tanba sexu livre sai ona hanesan kultura ida tanba ne’e fila fali ba ema idadiak nia konsiensia atu prevene an nafatin husi moras HlV/SiDA
” ita atu halo regulamentú ba regula sexu livre ne’e la diak tanba sexu livre ne’e tama ona iha kultura ida so ema iha konsiensia so ema nebe’e hamtauk naimaromak no ema nebe’e iha moral diak bele’e hateten ba an katak sexu livre ne’e la diak ka sexu ida arbiru ne’e la diak,se ita atu halo régulamentu ba kombate sexu livre ne’e tanba seidauk iha nasaun ida mundo halo kombate ba sexu livre.”
Nia haktuir tan katak tanba Liaha regulamentu ba kombate sexu livre ne’e mak lori risku ba ema nia vida
Iha sorin seluk partesipante Lucia amaral pinto haktuir katak hanesan joven ida sente orgulho tebes ho atividade sensibilisazaun ne’e ajuda joven sira atu hatene klean liu kona moras HlV/SIDA nebe’e mak hadaet no oinsa atu halo tratamentu.
“Hanesan joven ida hau agradese no senti orgulho tebes tanba sensibilisazaun ne’e ajuda ami joven sira atu bele hatene kona ba moras HlV/SIDA,moras ne’e oinsa atu hadaet oinsa atu ba halo tratamentu sira ne’e neebe ami agadese tebes bele hetan informasaun ida ne’e no liu husi materia hirak ne’e ami bele prevene ami nia an husi risku ne’e.”
ho materia no informasaun nebe’e mak sira hetan bela fahe fila fali ba joven sira nebe’e la assesu ba informasaun atu nune’e sira bela hadok an husi moras refere.
Iha atividade sensibilizasaun ne hetan prartesipa husi komadante komando munisipiu Aileu no Diretor jeral saude munisipio Aileu no Diretora sentru saude remixio inklui mos komunidade sira iha suku Fahisoi.
Jornalista : Nandes