Loluwari Média (Aileu) – Instituto nasional Combate HlV/SIDA sensibilizaun HIV/SIDA ba Estudante sira iha eskola Sekundaria Catolica são Jose operario Remexio, postu administrativu Remexio, munisipiu Aileu, Hodi Combate Virus HlV/SIDA.
Prezidete Instituto nasional Comabate HlV/SIDA (INCSIDA), Dainel Marcal, informa, joven barak mak lakon vida maibé la’os laiha koñesimentu ba HlV maibé laiha konsiensia, tanba ne’e liuhusi sensibilizasun ne’e enkoraza joven sira atu labele involve an iha hahalok risku.
“Alin joven sira dalaruma fo hela risku ba sira nia an, maibé sira la hatene, tanba ita nia joven barak lakon vida tanba la’os laiha koñesimentu, maibe laiha konsiensia. Tanba ne’e mai atu enkoraza joven estudante sira para sira eskola, kuidadu sira nia moris hodi labele envolve an iha hahalok sira ne’ebé risku.” Dehan Prezidete INCSIDA, Dainel Marcal, ba jornalista sira, iha eskola sekundaria Katolika São Jose Operario Reméxio, sexta (19/09).
Nia esplika, liuhusi materia sensibilizasaun ne’e mos atu hasa’e koñesimentu estudante sira nian atu sira bele hatene hodi proteje nafatin sira nia an husi hahalok risku.
“Joven sira namora karik labele tama iha hahalok sira ne’ebé risku, hola feto ka hola mane moris hamutuk isin rua HlV kona para eskola ne’e se mak sofre, liliu inan-aman sira, tanba ita haree inan-aman sira investe osan ba sira nia oan, tanba la’os de’it ho materia eskola maibé ho matería sensibilizasaun ne’e mos atu hasa’e konsiensiá, hodi sira bele hatene atu proteje sira nia an dudu sira hodi alkansa sira nia mehi ba oin.”
Adjuntu eskola sékundaria Katolika São Jose Operario Remexio, Avelino da Silva, sente haksolok tebes ho sensibiliasaun ne’e tanba fahe ona informasaun ba estudante sira atu nune’e sira bele prevene an iha sira nia moris.
“Ohin husi eskola sente haksolok tebes, tanba bele fahe informásaun ba ami nia estudante sira atu nune’e sira bele hatene no prevene sira nia an, no sira mos kuidadu sira nia an kuidadu mos sira nia saude iha sira nia moris tanba liu husi informasaun ne’e bele ajuda sira nia estudu ba oin.”
Iha atividade sensibilizasaun ne’e mos prezidente INCSIDA, rekómenda ba inan aman sira atu kontrola sira nia oan atu labele rai filmagen sexual iha telefone. Tanba bainhira sira tau iha sira nia telefone signifika sira atu konsumu no bele prejudika sira nia moris.
Entretantu atividade sensibilizasaun ne’e hetan partisipasaun maximu husi komadante eskuadra Remexio, no Diretora sentru saude Remexio, inklui iha atividade ne’e mos estudante sira hasai ran hodi halo teste ba moras HlV/SIDA.
Jornalista : Nandes