Loluwari Média (Dili) – Diertór geral Ministeriu do Dezenvolvimentu Rural no Habitasaun Komunitaria (MDRHK), Filipe Cardoso Vieira, hatete, Programa revitalizasaun komunitaria ne’ebé implementa iha nivel area rurais presiza fasilitador ne’ebé husi Ministeriu Dezenvolvimentu Rural no Habitasaun Komunitariu (MDRHK) sira kontratadu ona.
“Tama programa revitalizasaun Komunitaria direitu implementasaun iha nivel rurais ne’ebé presiza duni fasilitador tanba ne’e fasilitador sira kontratadu husi Ministeriu molok programa ne’e implementa presiza duni iha formasaun ba funsionariu sira. Tanba ne’e sira bele hatene sira nia papel sira nia funsaun no mós sira nia knaar ida ne’e mak objetivu hodi fasilita formasaun direitamente ba ita nia funsionariu kontratadu sira ne’ebe sei destaka ba kada aldeia alvu sira”, dehan Diretor Gerál, Filipe Cardoso iha salaun Laline Larigutu CNE, Tersa (23/09).
Alende formasaun ne’e halai ba papel, knaar ho funsaun ba fasilitador Komunitariu no fasilitador tenke simu formasaun kona-ba utilizasaun formatu ne’ebé distribui ona formatu ba relatoriu atividade nian hodi rekapitula progresu implementasaun no mós relatoriu ba utilizasaun subvensoens públiku ba iha grupu alvu sira.
Entretantu iha programa revitalizasaun Komunitaria ne’ebé deskobre aldeia 212 husi munisípiu 12 inklui RAEOA hodi halo programa revitalizasaun Komunitaria ne’e.
Jornalista : Anis