Loluwari Média (Díli) – Komadante Munisípiu Díli (KMD), Superintendente Xefe Polisia, Orlando Gomes hatete, akontesimentu ida horikalan madrugada iha Kampu Alor besik Masjid nia oin iha grupu joven parte rua tuda malu konsege Estragus Negosiante Tribulante sira nia sasan.
Komandante Munisípiu Dili hatutan,konfrontu entre jovens sira ne’e tripulante sira sai vítima tanba sasan balun rahun inklui karreta taxi ida.
“suspeitu sira ita identifikadu ona ita tun sira ses an tiha, maibé ita identifika hotu ona hein de’it ita halo operasaun ba kaptura sira.” Dehan Komadante Munisípiu Díli (KMD), Superintendente Xefe Polisia, Orlando Gomes ba jornalista sira iha Komandu Munisípiu Díli kaikoli, Segunda (29/09).
Nia informa,negosiante sira nia gerobak fa’an etu kinur lima mak hetan estragus ho kareta taxi ida iha kotuk vidru rahun.
Orlando Esplika Dadaun ne’e vitima sira hato’o ona sira nia keixa ba autoridade seguransa elabora nia prosesu tanba suspeitu sira mos identifika ona.
“Komandu munisipiu liu husi ita nia intelejensia análiza hela situasaun iha terenu (jovens) sese mak envolve, husi grupu ne’ebé ita analiza hela situasaun ida ne’e atu ita trasa ita nia planu halo operasaun tama bairo-bairo”dehan nia.
Tanba PNTL sei halo vizilansia atu bele kontrola iha ordem publika labele perturba,PNTL hakas an para patrollamentu lao ain ho karetahalo vizilansia bei-beik para halo prevensaun.
Nain restaurante Liba-ira Panara.Lda, Alcino Menezes hatete,fatin ne’e sempre akontese violensia ne’ebé halo sira sempre sai vítima hodi faan sasan maibé asaun konfrontu hotu mak seguransa to’o fatin akontesimentu.
“problema ne’e rezulta sasan rahun hotu ona maibé autoridade seguransa sira mai hasai de’it foto maibé la buka tuir autór sira”dehan nia.
Tuir Nia,labele husik de’it jovens sira halo problema sira hanesan ne’e tanba sira selu taxa ba estadu mak loke negósiu.
Negosiante ne’e husu ba autoridade seguransa no governu atu halo postu Polísia ida iha Kampu Alor, tanba konfrontu iha area refere akontese bei-beik ona.
“uluk kedas problema nia hun saida seidauk hatene lolos kada fulan sempre tuda malu dala rua, dala tolu balun kanek rezulta sasan sira ne’e mos rahun hotu”dehan nia.
konfrontu ida ne’e hanesan joven brutalismu tanba sira tuda rahun tiha vidru tenta atu tama tan ba laran maibé staf sira taka lalais odamatan, entaun sira konsege tuda rahun restaurante nia vidru.
“Ha’u la fó sala ba parte ida ka rua maibé Polísia tenke buka tuir para hatene sira nia problema ne’e saida tenke rezolve para ita nia nasaun ne’e hakmatek, ha’u sei hato’o keisa ba autoridade seguransa para buka tuir autor tuda rahun vidru ne’e responsavel ba aktu ne’e”dehan nia.
Jornalista : Chay Risky