Loluwari Média (Díli) – Diretór Servisu Investigasaun Kriminál (DSIK), Superintendente Polísia João Belo dos Reis hatete,komandu sei husu responsabilidade ba diretór jerál SNI kona-ba membru CSP ne’ebé fó treinu kilat ba xineza ida.
Nia dehan, Hafoin kazu ne’e espalla iha sosiál média, Membru Polísia Nasionál Timor-Leste (PNTL) liu-husi Unidade Espesiál Polísia (UEP) ne’ebé fó Arma ba xineza.
Komandu Jerál PNTL foti ona medida hasoru Membru CPS ne’e no halo ona Suspensaun durante loron 30 nia laran.
“Ita sei husu responsabilidade ba nia (Diretór SNI) tanba saida mak nia halo, tanba saida mak nia iha ne’ebá ida ne’e ita sei kee informasaun” Dehan Diretór Servisu Investigasaun Kriminál Nasionál (DSIKN), Superintendente Polísia, João Belo dos Reis, ba jornalista sira iha Ministériu Interior Vila-Verde Dili, (02/10).
Tanba ne’e membru Corpo Seguransa Pesoál (CSP) ne’ebé fó Arma ba Xineza Komandu fó ona medida no halo ona suspensaun ba nia hodi hein ba prosesu Investigasaun Disiplinar nian.
Tuir Nia, iha parte seluk krime nian mós Servisu Investigasaun Kriminál aprezenta ona ba Ministériu Públiku (MP) hodi halo prosesu Kriminál ba nia.
“Arma ne’ebé ita nia membru CSP utiliza ne’e ami dezarma hotu ona tantu husi kilat bo’ot no pistola ami foti hotu ona” dehan nia.
Komandu konsidera membru CSP ne’e viola lei Disipliñar no Kriminál nian tuir kompénsia ne’ebé iha komandu halo ona prosesa ba nia tu’ir Kriminál nian no Arma ne’ebé nia utiliza ne’e kontra infrasaun.
Jornalista : Chay Risky