Loluwari Média (Díli) – Polísia Nasionál Timor-Leste (PNTL) impede asaun marsa komboiu ba Vitória Estudante Universitáriu Timor-Leste (EUTL) maibé balun dada fali bandeira West Papua ho Palestina.
Diretór Servisu Nasionál Inteligensia, Gastaun Piedade Souza, hatete, EUTL nia karta koñesimentu la signifika sira movimentu la’o kedas tanba iha risku ne’ebé PNTL halo Estudante sira dada fali bandeia Papua ho Palestina.
“Ha’u observa hela tanba imi dehan EUTL halo asaun Komboiu ne’e imi mesak ka? tanba saida mak dada Bandeira Papua no Palestina iha ne’e, problema ida ne’e problema ita nian ka? problema palestina ho Papua nian.”iha Areadores Komandu Jerál PNTL Kaikoli, kuarta (01/10).
Responsabilidade Seguransa ne’e atribui ba PNTL, tanba ne’e PNTL avalia ba risku no implika ba iha seguransa ne’ebé PNTL laos impede komvoiu EUTL ne’e lae tanba lei ko’alia klaru ne’ebé prevé iha konstituisaun artigu 42 lei numeru 1/2016.
“Maibé kestaun seguransa ami Autoridade seguransa ami iha avaliasaun iha buat balu ne’ebé ita trava no prevensaun atu labele hamosu Perturbasaun no konflitu tu’ir dalan ida ne’e mak papel PNTL nian.”dehan nia.
Karta koñesimentu, Nia dehan, EUTL hatama iha tuku 5 lorokraik PNTL labele foti desizaun mesak tanba imi EUTL nia karta ne’e fó koñesimentu laos husu Autorizasaun.
“ohin imi hatudu dada Bandeira Papua no Palestina serake pais soberania ne’e ida ka rua tolu tanba dada Bandeira ne’e iha prova dunik katak PNTL nia avaliasaun risku ne’e iha indikadór”dehan nia.
Tuir Nia,EUTL nia direitu Fundamentál laiha ema ida viola tanba ne’e hatudu EUTL nia identidade lolos katak EUTL luta ba injustisa iha rai laran.
Iha fatin hanesan,Portavós Estudante Universitariu Timor-Leste (EUTL), Natalício Nunes Martins Hatete,estudante sira iha direitu atu dada bandeira iha konvoiu laran.
“Se sidadaun balun ou Estudante balun mak dada Bandeira Nasaun seluk nian ne’e konstituisaun garantia hela tanba sidadaun dada Bandeira Papua nian ne’e direitu solidariedade ne’e normál laos tan dada Bandeira ne’e mak Polísia impede fali Komboiu ne’e laiha rajaun fundamentál”dehan nia.
Tanba Nia dehan,Marsa EUTL atu fo homenagen ba Saudozu Prezidente Repúblika (PR) Nicolau Lobato sai hanesan onra ba susesu luta EUTL nian hasoru Parlamentu Nasionál.
“Ami nia objetivu atu halao komboiu (Pavai) ne’e atu fó presta Homenagen ba Saudozu Prezidente Repúblika Nicolau Lobato nia Monumentu iha Rotunda ba ami nia susesu luta kontra PN hodi halakon LPV no Kansela Sosa kareta Prado ba Deputadu 65″dehan nia.
Antes ne’e,Nia dehan,EUTL hatama karta molok halao komvoiu nu’udar Vitória ba luta kontra injustisa liu-liu hasoru Parlamentu Nasionál hodi halakon LPV no kansela sosa kareta Prado.
“Ami hatama karta ba Autoridade Polísia Nasionál Timor-Leste (PNTL) atu halo vizilansia no fó seguransa ba EUTL atu halao komvoiu hodi fo kontinensia ba Prezidente Repúblika Nicolau Lobato ida ne’e mak ami nia objetivu.”dehan nia.
Karta ne’ebé EUTL hatama ba PNTL atu nune’e PNTL bele fó seguransa ba EUTL hodi halo komboiu laos atu impede se direitu Fundamentál.
Tanba ne’e mak EUTL halo karta konesimentu fali ne’e labele tanba EUTL nafatin konsidera PNTL hanesan Autoridade Seguransa rai ida nee nian.
Jornalista : Chay Risky