Loluwari Média (Díli)-Kompañia Raimakmor.Lda halo ona asina akordu hodi devolve osan membru hamutuk nain 92 iha fulan janeiru loron 26 Tinan 2026.
Akordu ne’e kompañia Rai Makmor Lda halo hafoin mosu dezentendimentu entre membru sira ne’ebé la satisfaz ho regras má-administrasaun iha kompañia laran.
Tuir Karta akordu ne’ebé jornalista Loluwari.tl asesu iha loron Kuarta (17/12/2025),ne’ebé asina husi responsavel másimu husi Inisiador Kompañia Rai Makmor L.da., Armando Ximenes, Xefe Diretor Investimentu Martinho de Sá, Vise Presidente komisariu, José Luis da Costa Oliveira, xefe Diretora Finansas Goreti Efendy Maria.
Iha Karta ne’e kompañia Rai Makmor Lda, kompromete sei halo pagamentu iha loron 26/01/2026.
“Ami estrutura prontu re-embolsa fila ou devolve osan ne’ebé kliente sira hakarak sai ou rezigna an husi kompañia Rai Makmor Lda,ho nune’e kompañia sei halo pagamentu iha dia 26/01/2026”, sita husi karta akordu ne’ebé deklara iha Eskuadra Vera Kruz,kaikoli, Kuarta(17/12).
Karta akordu ne’e halo iha Loron Tersa 16 Dezembro 2025 tuku 12:00 Otl, ne’ebé Diretor hamutuk ho Estrutura kompañia Rai Makmor Lda halo akordu iha edifisiu PNTL. Kaikoli Díli.
Husi akordu ne’e katak, Dividas husi membru kompañia sira ne’ebé atu rezigna an husi kompañia Rai Makmor, estrutura Kompañia deside kompromete hodi selu.
Tuir data ne’ebé termina husi kompañia Rai Makmor Lda, mak sei realija pagamentu ou devolve ba membru sira nia kapitál saham ne’ebé maka hamutuk 92 pesoas investe hela ba kompañia Rai Makmor iha data determinadu.
Iha karta ne’e,Prosesu pagamentu sei tuir lista ne’ebé iha aneksa tuir dokumentus konprativas,karik mak la rejolve kompañia ho estrutura sira sei toma responsabilidade tuir lei ne’ebé maka Vigora.
“Mak ne’e de’it ami nian kompromisu iha deklarasaun ne’e ikus mak la sai realidade Díli/Vera Cruz/Motael/Palapaco/Halibur imi prontu hatan tuir lei ne’ebé vigora ona iha nasaun RDTL”.
Nain ba kompañia ne’e rekoñese katak programa tenke lao maibé ezekusaun ba osan laos nia mak kaer no la simu membru sira nia osan mesak.
Nia dehan,problema kompañia Rai Makmor mak demora ezekusaun tanba ne’e mak balun atu rezigna an, formulariu ida mós antes ne’e fó ona sese mak rezigna an ne’e priense para hodi bele trata asuntu ne’e dala ida.
“Ita ne’e investe la’os kliente, tanba ne’e ha’u horseik ne’e atu bele haree tanba ezekusaun mós barak mak sai maibé até agora, no orsida hotu mós ami sei ko’alia tanba ezekusaun barak ne’e mós sira la devolve fila mai kompañia.”dehan nia.
Tuir Nia, membru sira husi Munisípiu Ermera, no Díli balun mak hakarak atu rezigna an,ne’ebé iha akordu ne’e rasik bele rezolve maibé hotu-hotu lori ho resivu banku nian.
“Iha balun la iha resivu banku ita la hatene husi ne’ebé, ha’u fiar katak sukursál barak sei la’o hela,maibé dala-ruma maluk sira balun deskonfia,ne’ebé ha’u iha responsabilidade para atu rezolve problema sira ne’e to’o hotu tanba ha’u mak inisia.”dehan nia.
Enkuantu Inspetor Asistente Joel Pereira husu Vitima sira ne’ebé naran iha lista hamutuk 92 tenke pasensia atu labele emosaun hodi trata malu tanba kompañia prontu ona hodi Devolve osan
“Hau hanoin prosesu mak ne’e husi karta akordu iha loron 16 fulan Dezembru tinan ne’e oras 12 meudia”dehan nia.
Jornalista : Cesar Pires
Editor: Herminio Cardoso