Loluwari Média (Lautém)-Jogu Taxa Rotativa Kay Rala Xanana Gusmão, ne’ebé realiza iha kampu 28 Lospalos, ekipa Estimada Uniaun Serelau (US) konsege halakon nia adversariu RLG (Revolusi Larigua) ho Skor 3-2 hodi hakat ba 16 finais.
Iha jogu primeiru Parte bainhira arbitru fó sinál hahú jogu husi ekipa rua ne’ebé antes ne’e ladauk hetan vitoria jogu dahuluk, halo kontra atake ba malu atu hetan rezultadu di’ak hodi lidera tabela klasifikasaun.
Iha jogu dahuluk treinadór sira prepara estratejia atu rekolla pontu importante, enkuantu ekipa ida-idak joga tuir orientasaun treinadór nian, jogu ne’ebé realiza iha Kampu 28 Lospalos, Kuarta (17/12).
Ekipa Uniaun Serelau koko halo kontra atake makaas ba ekipa RLG ho agresivu, maibé ekipa ne’ebé husi RLG ne’e mai ho estratejia ne’ebé nakonu ho talentu hodi halo kontra atake, no la fó oportunidade ba Uniaun Serelau atu marka golu.
Nune’e jogu entre ekipa rua la’o ho tensaun normal, jogador sira halo jogu ho bola husi ain ba ain, hodi buka opurtunidade no liña defeza ekipa adversariu sira nia fallansu hodi fó oportunidade ba jogadór Estefanos Soares ho númeru kamijola 82 konsege fura rede RLG nian iha minutu 23 hodi muda rezultadu ba 1-0.
Atmosfera iha kampu, adeptus atus ba atus ne’ebé asiste direta iha kampu ninin fó suporta máximu ba ida-idak nia ekipa liu-husi, huu korneta, hakilar no haklalak balu baku kalen halo kampu nakdoko hodi fó suporta ba ida-idak nia Club Favoritu.
Apoiu hirak ne’e, halo atmosfera jogu manas liu tan, ekipa Uniaun Serelau ne’ebé hala’o jogu kontra atake liu-husi jogadór liña mediu parte los no karuk, hodi oferse bola barak ba liña avansasu.
No ikus hodi muda skor ba 2-0 iha minutu 23 husi Jogadór Eduardo Muhammad Ismail Costa ho numeru kamizola 06 tanba liña defeza RLG ne’ebé lasolidu no hahu nia mentalidade monu.
Nune’e Ekipa RLG liu-husi liña mediu parte los, kria opurtunidade lansa sutu lubuk ida, maibé sei antisipa ho di’ak husi gurada rede Uniaun Serelau.
Ekipa RLG nia Mentalidade hahú monu no fó oportunidade ba jogadór Zaque da Costa ho numeru kamizola 11 konsege hetan opurtunidade osan mean hodi muda skor ba 3-0 iha minutu 40.
No jogu kontinua ba 42 minutu Ekipa Uniaun Serelau halo falla fó opurtunidade ba Jogador RLG ho númeru kamijola 10 muda Skor ba 3-1 iha primeira parte hodi Aumenta Audisionál minutu 2 laiha tan golu ruma husi ekipa rua to termina la rezulta golu ba ekipa rua.
Hakur ba segunda parte ekipa rua nafatin halo kontra atake ba malu ho ritmu jogu ne’ebé aas liu tan, maibé liña defeza ekipa ida-idak solidu tebes.
Maibé ekipa Uniaun Serelau ne’ebé halo jogu agresivu no lansa kontra atake ne’ebé lais hodi halo falla iha kampu arbitragen foti desizaun hodi fó Penalidade sutu husi jogadór numeru kamizola 23 iha minutu 64 hodi muda skor ba 3-2 halo rame liu tan iha kampu.
Husi parte kampu ninin, treinadór husi ekipa rua ida-idak fó orientasaun ba sira nia jagadór hodi bele muda tátiku hodi bele produz golu, maibé esforsu hirak ne’ebé ekipa rua iha la fo opurtunidade tanba defeza ekipa ida-idak solidu tebes.
Jogu segunda parte ne’ebé la’o ho tensi jogu ne’ebé aas, ekipa Uniaun Serelau komesa domina bola iha liña meiu kampu, nune’e halo ekipa RLG susar atu hetan bola, tanba ne’e obriga liña defeza RLG tenke fera ulun atu bele trava ekipa adversariu Uniaun Serelau.
Ekipa Uniaun Serelau konsege kria opurtunidade barak ba RLG maibe la konsege no skor nafatin mantein 3-2 halo ekipa RLG nia mentalidade hahú tun no ekipa Uniaun Serelau kontinua kontra atake makaas atu aumenta golu maibé espasu hirak nee seidauk kona alvu.
Tanba, jogador defeza ekipa adversariu la fó opurtunidade ba sira livre halo sutu to’o segunda parte termina ekipa rua mantein rezultadu 3-2 aumenta Audisional minutu 4 maibé ekipa rua la produz golu ruma to minutu termina.
Ho rezulatdu ne’ebé iha, provizoriu Uniaun Serelau lidera tabela klasifikasaun pontu 3 no nia adversariu tenke simu Derota husi nia adversariu Uniaun Serelau no Uniaun Serelau kontinua hakat ba 16 finais.
Jornalista : Cesar Pires
Editor: Herminio Cardoso