Loluwari Média (Lautém) – Movimentu Juventude Estudante Serelau Oan (MJESO) hamutuk ho Autoridade Lokál Suku Serelau Abertura jogu Modalidade Desportiva Futsál Modalidade Voleybal inklui Sertame no Kompetisaun Dansa kultura hodi hari Unidade no Paz hodi simu Natal no Tinan foun 2025-2026.
Xefe Suku Serelau, Jeremias Soúza, hatete, Movimentu Juventude Estudante Serelau Oan (MJESO) no Autoridade Lokál Suku Serelau Realiza Jogu Eventu ba Dame ho nia moto “Hari Unidade no Paz atu simu Kosok Oan Nai Jesus nia moris hias”.
“Ho ita nia objetivu ba jogu Eventu ba Dame ida ne’e ba dala III ida ne’e atu kapasita ita nia jovens sira nia mentalidade no Fiziku liu-husi Modalidade Desportiva hodi bele ba kompete iha Munisípiu tantu ba kualkér Eventu ne’ebé iha.” Dehan Xefe Suku Serelau Jeremias Soúza ba jornalista Loluwari.tl iha Suku Serelau hafoin abertura ba Jogu Eventu ba Dame, Segunda (22/12).
Autoridade ne’e esplika, Modalidade Desportiva ne’ebé Organiza husi MJESO ho Autoridade lokal Suku Serelau Oan realiza ne’e atu kria paz no Dame iha suku no Aldeia hafoin hari’i paz no dame ba Postu no Munisípiu.
“Ho ita nia jogu Futsal ida ne’e ba parte rua Idade livre no Idade 16 tun mai kraik ne’ebé ami realiza iha suku Serelau maibé ami simu mós club husi Suku Viziñu sira atu bele partisipa hodi atu hari paz no dame hafoin simu ita nia Natal no tinan foun liu-liu atu simu ita nia kosok oan ho dame.”dehan nia.
Tuir Nia,Jogu ne’e kada tinan sei iha nafatin no jogu Modalidade Desportiva Futsal ba Idade Livre no Idade 16 ba kraik, Voleybal, Sertame, no Kompetisaun Tradisionál.
Prezidente Komisaun Organizador Evaristo da Costa hatete, Komisaun Eventu ba Dame nia preparasaun iha loron 05 fulan Dezembru tinan ne’e ho Modalidade Desportiva Futsal ba Idade Livre no Idade 16 no Modalidade Voleybal no Sertame inklui mos dansa Tradisional.
“Ami simu Club U16 hamutuk (9) no ida livre Club hamutuk 19 ba Futsal nian Club hamutuk 28 ne’ebé sei kompete iha suku Serelau no Club ne’e mai husi Suku Serelau inklui mós husi Sucu Viziñu mak hanesan Suku Mahina II no Suku Baduro Suku Mahina II ho Club 3 Suku Baduro iha Club 2.”dehan nia.
Eventu ba fundus ne’e mai husi Kontribuisaun husi Kompañia iha Suku Serelau ho Totál Hamutuk $580.00 no mós Resjistrasaun husi kada klube nian ho totál orsamentu $480.00 ho totál orsamentu hamutuk $ 1,060.
Entretantu Modalidade Desportiva Futsál ba klube ne’ebé mak atu sai Primeiru lugar sei hetan Taxa ho osan $100, Segundu lugar $75 no Terseiru lugar $50.
Enkuantu klube sira ne’ebé tuir Eventu ba Dame mak Block Fc, Rai Nain Fc, Fc Corinira, Gozia Jagroda, Fc Salapunu A, Salapunu B, Fc Gansop, Makikit Fc, Iliara A, Iliara B, Postu Lautem, Ulur Odho, Tasi Ibun, Sentru Fc, Bebetok Fc, Sika Hoil A, Sika Hoik B, Luapala Fc no Fc Aiben Kultura.
Jornalista : Cesar Pires
Editor : Herminio Cardoso