Loluwari Média (Díli) – Ministériu Interior (MI) liu husi servisu Migrasaun hatama reseita ba kofre estadu hamutuk $2,488,820,00 ne’ebé durante Tinan ida hahú husi fulan janeiru to’o Dezembru 2025.
Diretóra Jerál Servisu Migrasaun (SM), Inspetora Xefe Polísia, Adelaide da Rosa, hatete, durante Servisu Migrasaun nian ba tinan 2025 kona-ba Forsa kontrola Fronteira konsege hatama reseita barak ba kofre estadu.
“autorizaun Rejidensia no aplikasaun koimas hamutuk $2,488,820,00 Dolares Americano Servisu Migrasaun konsege hatama reseitas ba estadu tinan ne’e kompara ho tinan 2024 ne’ebé Millaun $2.2″dehan DJ ba jornalista sira iha knaar fatin kuarta-Feira ohin.
Migrasaun konsege redus ba kazu violasaun vistu tinan ne’e 2025 nian kompara ho tinan 2024 ho emisaun vistu ema 11.797 ne’ebé mak hetan vistu emisaun foun.
Migrasaun halo estensaun vistu ema 9.355, emisaun autorizasaun vistu husi adidu Migrasaun iha rai liur hamutuk ema 1.583 ne’ebé konsege produs no ba reseitas ba estadu hamutuk $1000 resin ne’ebé liu-husi vistu viza grantit ba sidadaun Estranjeiru sira.
Tuir Nia, bainhira sira to’o mai iha postu Fronteira sira, sira halo pagamentu ba sira nia vistu iha no vistu ne’ebé sira presiza.
Tanba ne’e, Reseitas ba estadu ne’ebé servisu Migrasaun kolekta hahu husi loron 01 fulan Janeiru 2025 ate fulan loron 31 fulan Dezembru 2025 liu-husi emisaun vistu no extensaun vistu.
Enkuantu migrasaun kontrola iha Fronteira ema tama no Sai husi Tertoriu Nasionál TL ema hamutuk 808.463 ho klasifikasaun ema tama ba Teritoriu Nasionál ema hamutuk 396.290.
No mós ema sai husi Terseiru Nasionál hamutuk 412.173,migrasaun mós halo rekuza ba sidadaun Estranjeiru 126 no tama mai la prense rekezitu tuir lei Migrasaun Timor-Leste nian.
DJ ne’e esplika,Migrasaun fó mós apoiu repatriasaun ba sidadaun estranjeiru hamutuk 38 fila ba sira nia nasaun orijen ne’e maioria sidadaun nasaun Viziñu ne’ebé Migrasaun konsege Repatria.
Husi Feto nain 26 ne’ebé sira nia prosesu antes halao no hetan violasaun Domestika no kazu uma laran nian sira husu atu fila-fali ba sira nia nasaun orijen.
“Ita atende mós mate isin nain 12 ne’ebé ita konsege Repatria fila-fali ba nia rai origen Indonézia.”dehan nia.
Kazu violasaun ba lei Migrasaun iha prosesu Administrativu ema nain 399 Esplusaun ida prosesu krime ema nain 35 no mós abandona voluntariu ema 116 ho totál kazu hotu-hotu hamutuk 585.
Tanba ne’e Planu ba futuru migrasaun sei mellora kontrolu koneksaun ba sistema atendementu ba vistu no operasaun ba postu Fronteira sira no kapasitasaun ba pesoál servisu Imigrasaun no hadia Infraestrutura iha postu Fronteira sira atu bele hadia kualidade atendementu publiku.
Jornalista : Cesar Pires
Editór:Herminio Cardoso