Loluwari Media (Díli) – Fundasaun Hadomi Timor (FHT) no The Asia Fundation (TAF) halo diskusaun ba esbosu lei protesaun dadus no privasidade ne’ebé halo krime ba ema nia privadu liu-husi plataforma dijital ida ne’e
Diretor Ezekutivu Fundasaun Hadomi Timor (FHT), Abrão Monteito hatete esbosu lei ne’e mosu hahu iha VIII governu nian ne’ebé prepara husi Fundasaun Hadomi Timor (FHT) hodi proteze sidadaun nia direitu no privasidade ema nian.
“Entaun importansia husi esbosu lei protesaun de dadus mak oinsa atu proteze sidadaun nia direitu, liu-liu nia dadus sira ne’ebé mak husi governu, Impresa ka sosiedade sivil ka setor privadu sira rekolla no jere”dehan Diretor Ezekutivu Abrão Monteiro iha salaun Kasian The Asia Fundation, Tersa (20/01)
Karik,Tuir Diretor ne’e hatete,la iha esbosu ne’e entaun sira bele iha potensia boot hodi bele viola dadus ne’ebe sira rekolla liu husi plataforma digitatal sira.
Nia informa, esbosu lei ne’e hodi fo konfiansa ba públiku ba iha platafroma dijitál ne’ebé eziste no adopta ona iha Governu Timor-Leste sai sistema eletroniku no servisu hotu-hotu sai ona dijitalizasaun.
“Oinsa bele harii konfiansa públiku ba iha plataforma dijitál ne’ebé mak ejiste, liu-liu ita hatene ita nia governu hahú opta ona ba iha governu eletroniku.”dehan nia.
Tanba servisu hotu- hotu agora dijitaliza servisu publiku sira oinsa atu haree konfiansa sidadaun sira nian ba sistema entaun tenke iha lei ida atu proteze sira nia dadus.
Bainhira rekolla liu husi plataforma dijital sira hanesan ba iha engoverment ninian, trata pasaporte entaun oinsa sira rekolla informsaun liu husi online, sira bele grarantia dunik katak dadus sira ba asentu dadus para proteze atu labele iha violasaun dadus ne’ebé haruka ba sistema.
Nia salienta, liu-husi plataforma dijitál ida ne’e hodi apoiu ekonomia dijitál nune’e bele fó protesaun ba dadus no konfiansa ba sidadaun ninian ba sistema komersiál no plataforma dijitál breking ne’ebé Estadu hahu adopta ona.
“See la iha protesaun de dadus, la iha konfiansa sidadaun ninian ba sistema ba komersiu sira ka plataforma dijitál baking sira ne’ebé mak ita nia estadu hahu opta tamba la iha lei protesaun de dadus no privasidade mak sidadaun sira ladun konfiansa”dehan nia.
Entaun asuntu tolu FHT mensiona liu- liu oinsa atu proteje dadus sidadaun sira nian; harii konfiansa sidadaun ka harii konfiansa públiku ba sistema engoverment, no ba iha ekonomia dijitál ninian atu bele partisipa ativu iha komersiu dijitál sem tauk nia dadus iha dijitál.
Jornalista : Aniceto
Editór : Herminio Cardoso