Loluwari Média (Díli) – Ministéri Komérsiu no Indústria (MKI) hamutuk ho Vise-primeiru Ministru Primeiru, Ministru Koordenadór Asuntu Ekonómiku (MKAE) no Ministru Turizmu Ambiente (MTA) lansa ona fatuk dahuluk ba projetu konstrusaun snetru inkubasaun iha Matadoru.
Ministru Komérsiu no Indústria (MKI), Nino Pereira hatete, Serimónia lansamentu ida ne’e la’ós deit momentu simbóliku, maibé mós prova klaru kona-ba kompromisu IX Governu Konstitusionál atu harii ekonomia ida ne’ebé dinámiku, reziliente, inkluzivu, no orientadu ba futuru.
“Sentru inkubasaun negósiu hanesan espasu oportunidade atu prepara ita nia jovem foinsae sira ba vida emprezariál iha ne’e, sira bele hetan empoderamentu no plataforma ida atu hasa’e konsimentu nian”dehanMinistru Komérsiu no Indústria (MCI), Nino Pereira ba jornalista hafoin lansamentu fatuk dahuluk iha Matadoru, kinta (22/01)
No agora bele kanaliza potensiál juventude sira liu-hosi formasaun ne’ebé adekuadu,tanba Sentru ida ne’e fó kontribuisaun importante ba kualifikasaun rekursu humanu.
:Ne’ebé sei envolve direta iha vida emprezariál husi ne’e, ita bele promove espiritu emprendedorizmu, fó motivasaun no inspirasaun ba gerasaun foun atu dezenvolve inovasaun no kontribui ba ekonomia nasional.”Dehan nia.
Governante ne’e Esplika, esforsu ne’e parte husi kumprimentu mandatu IX Governu Konstitusionál nian kona-ba polítika diversifikasaun ekonómika no aposta ba dezenvolvimentu sustentavel.
Iha fatin hanesan, Vise-primeiru ministru, Ministru koordenadór asuntu ekonomia, Ministru Turismu Ambiente Fransisco kalbuadi lay konsidera Sentru ida-ne’e mak fatin oportunidade, fatin esperansa no fatin ne’ebé ideia sira hodi buras.
“Ohin, ita tau fatuk dahuluk ba ita nia Sentru Inkubasaun Negósiu foun nian, sentru ida ne’ebé maka boot liu duké tijolu no moru. Sentru ida ne’e maka fatin oportunidade, fatin esperansa nian”dehan nia.
vizaun Timor-Leste klaru tenki harii ekonomia ne’ebé diversu no sustentável tanba TL tenki harii ekonomia ida ne’ebé diversu no sustentável, ida ne’ebé hamenus TL dependénsia ba mina no gás.
Atu Kria empregu di’ak ba foinsa’e sira no ba komunidade iha sikun hotu-hotu, hodi hametin negósiu lokál sira, liu-liu empreza mikro, ki’ik no médiu sira, hamenus kiak, hadi’a padraun moris nian hodi enkoraja investimentu privadu.
“Tantu husi ita-nia rai laran no mós husi rai liur, atu alkansa vizaun ida ne’e, ita foka hela ba setór xave sira ne’ebé sei dudu ita nia nasaun ba oin.”dehan nia.
Kompañia manan nain ba projetu konstursaun Sentru Nasionál Incubasaun Matadouru, JIANGSU ZHUOXU CONSTRUCTION CO. LTD (CHINA) atu halo ho kualidade no responsabilidade boot.
Jornalista : Cesar Pires
Editor : Herminio Cardoso