Loluwari Média (Díli) – BELUN ó husik ona knaar lulik mundu Jornalizmu hodi deskansa jornada ikus ho hakmatek iha ó nia mundu foun.
Ó nia iis laek ona iha ekram mundu Jornalizmu nia matan.komunidade média TL lutu ba matebian Ezequel de Rosa Das Neves ho idade 30 nu’udar xefe Redasaun iha Televizaun Edukasaun Timor (Tvet) no Koléjiu São Miguel Arcanjo (CSMA) Raikotu Dili.
“Kolegio São Miguel triste tanba Ezequel,ha’u hanoin ohin São Miguel simu tiha nia iha lalehan,ita hateke ba nia kaisaun ita hanoin buat lubuk ida,saudades”dehan Omilia Amo Nelson Soares iha misa ikus iha salaun CSMA Raikotu Dili.
Matebian nia Bin Alexandrina de Roza konta, Matebian komesa moras bainhira halao viajem Servisu nian ba iha Nasaun Nova yorke ne’ebé hamutuk ho Prezidente Repúblika.
Nia dehan,Matebian moras meas tasak no konsege ba halo konsultasaun iha ospitál boot no douór sira fó Ai-moruk konsege iha mudansa,maibé moras seluk matebian subar ba nia bin.
“ha’u haruka nia ba Konsulta iha momentu ne’eba kedas doutor sira fo Aimoruk Amoxolin ho Alpara hodi hemu mear ne’e konsege tun hafoin sae fila-fali maibé nia nunka ko’alia mai ha’u katak iha moras seluk.” Dehan nia.
Tuir Nia,iha fulan Outubru Matebian sente nia kondisaun grave ona mear komesa makas.
“Entaun ha’u hateten ba nia dehan sementara servisu ‘o para lai itrua ba Konsulta’ no ha’u rasik lori nia ba Konsulta hasai ran no koko nia kaben tasak no koko mós nia mii no foti mós nia extreme maibé moras laiha”dehan nia.
Iha fulan Dezembru,Matebian kondisaun kontinua moras tanba laiha mudansa no nia isin hahú tun entaun nia bin husu ba nia kondisaun di’ak ka lae maibé Matebian hatan di’ak hela.
“Iha fulan Janeiru loron 03 Madrugada hafoin Matebian telefone hau dehan hau hakfodak hau atu ba iha dader ka loraik entaun hau hateten ba nia o atu ba ne’ebé lae abin mak dehan hau atu ba dili hodi ba Konsulta.”dehan nia.
Molok iis kotu,Matebian husu nia familia atu labele lori nia ba ospitál,maibé iha tuku 3 madrugada matebian komesa atakasaun makaas ona no ikus iis kotu iha uma tuku 8 dadersan.
Fundador TV Edukasaun Dehan Armindo Crisna Caetano, Familia Saun Miguel sente triste tanba Lakon nia ema diak ida tanba Matebian sai ezemplar iha Saun Miguel tanba nia fo nia moris tomak iha nee hodi halao nia estudu iha to Universidade remata ho nia kontribuisaun boot tebes mai kolegiu ida nee.
“Ami sente triste tebes ami lakon ami nia ema kualidade no potensial ne’ebé ho nia vida tomak nia Dedikasaun tomak ba Kolegio Saun Miguel ida ne’e.”dehan nia.
Matebian nia obra barak iha Kolegio ida ne’e no sai joven exemplar no fo formasaun ba joven sira nia dedika an ba estudante sira liu-hosi aktividade Edukasaun nian no estra kurikular no buat hotu nia halo ho nia responsabilidade rasik.
Durante Matebian Ezequel,Nia dehan,bainhira matebian husu atu deskansa tanba kondisaun saúde maibé matebian rasik lakoi konta sai nia moras lolos ba sira atu hatene.
“Ami aproxima nia atu lori nia ba Doutor sira maibe Matebian rasik lakoi ikus mai ita hotu simu realidade ida ne’e”dehan nia.
Matebian nia Belun Victor da Costa Alves Sente triste tebes tanba lakon nia ema diak no nia belun diak tanba buat barak mak sira aprende husi nia.
“Durante ami servisu hamutuk sai hanesan inan ida aman ida iha Kolegio ida ne’e buat hotu ami aprende husi nia”dehan nia.
Bainhira Matebian durante fulan 4 la mai iha Kolegio laran ema hotu sente triste no sira buka tenta atu husu nia kondisaun maibé infelizmente la hateten ba sira ikus rona nia iis laiha ona.
“ami fuan moras maibe dalaruma Maromak mak hadomi liu nia,Ba maun Ezaquel nia di’ak ami sura labele, ami nunka haluha mak motivasaun no sempre enkoraza”dehan nia.
Entretantu Asosiasaun Jornalista Timor-Leste (AJTL),Timor-Leste Press Union (TLPU),Uniaun Press Jornalista Timor-Leste (UPJTL) komunidade média tomak inklui instituisaun sira ne’ebé koñese Zeki hato’o sentimentu Sentidu kondelensia ba família enlutada.
Material Ezequel Moris iha loron 26 fulan Setembru Tinan 1996,aldeia Dama-Lete,suku Samalari Postu Administrativu Baguia Munisípiu Baucau.
Ezequel oan husi Domingos das Neves ho Celestina da Rosa no oan ikun husi maun-alin nain 9 ne’ebé mate iha loron 22 fulan Janeiru Tinan 2026 iha oras tuku 8 liu minutu 20 dadersaun iha Baucau Villa.
Jornalista : Cesar Pires
Editór : Herminio Cardoso