Loluwari Media (Dili) – Aniversariu Dili day ba dala 256 Prezidente Autoridade Munisípiu Dili (PAM) Francisco dos Santos husu ba entidades hotu-hotu atu servisu hamutuk hodi bele dezenvolve sidade Dili ne’ebé sai kapitál nasaun Timor-Leste nian.
Prezidente Autoridade husu apoiu nafatin governu sentrál atu tau matan ba kapitál dili ne’ebé atu dezenvolve di’ak liu.
“Husu nafatin ba entidades hotu atu servisu hamutuk ho autoridade munisipio Dili atu bele Dezemvolve Dili sai kapital ne’ebe diak ba ema hotu-hotu” Asunto ne relata husi PAM Dili Francisco dos santos ba jornalista sira iha jardin Largo Lecidere (10/10).
Nia dehan, ekipamentu ne’ebe mak utiliza hodi hamos sidade Dili daudaun ne’e la’o hela maibé sei haree mós ba nia efetibidade atu nune’e bele implementa máximu iha Tinan oin.
“Ekipamentus hirak ne’e daudaun ne’e la’o hela maibé ami sei haree nia efetividade para iha 2026 ami sei implementa másimu para atu nune’e komunidade sira bele moris iha ambiente ne’ebe saudavel,maibé labele laran metin deit mai iha autoridade munisípiu Dili maibé husu ba komunidade hotu tenki kontribui ba lixu” dehan nia.
Tuir Nia, transporte hirak ne’ebé mak utiliza ba lixu sei halo jestaun ba iha sistema router ne’ebé mak implementa iha nasaun barak no iha tinan 2026 mai sei implementa máximu ho transporte modernu ne’ebe mak iha.
“Ami halo jestaun kona-ba sistema router ne’ebe mak implementa iha nasaun barak sistema ida ne’e ita implementa hela maibé 2026 sei implementa máximu ho kareta modernu sira ne’ebé mak iha espera ho mekanismu ne’ebé kria bele rezolve situasaun Lixu iha Dili laran”dehan nia.
Jornalista : Felix Fernandes