Loluwari Média (Díli) – Polísia Nasionál Timor-Leste (PNTL) asegura ona jovens nain haat ne’ebé asaltu malu iha Suku Tibar Munisipiu Likisa.
Diretór Diresaun Servisu Investigasaun Kriminál (DSIK), Superintendente Polísia João Belo dos Reis hatete, Polísia Nasionál Timor-Leste (PNTL) Asegura Jovens nain 4 hafoin konflitu iha Area Tibar Postu Bazartete Munisípiu Liquiça.
“Iha inisiu Konflitu ne’ebé akontese mais ou menus tuku 7 ho balun Grupo Arte Ritual inisial C2 ho komunidade area Riheu Tibar nian, ho rejultadu konflitu ne’e Kareta ida hetan estragus no komunidade ida hetan kanek iha parte ulun.” Dehan Diretór Diresaun Servisu Investigasaun Kriminál (DSIK), Superintendente Polísia João Belo dos Reis ba jornalista sira iha Komandu Jerál PNTL Kaikoli Díli, Segunda (26/01).
Belo Esplika grupu arte ritual ho inisial C2000 ne’e hafoin Peregrina ba munisípiu Ermera hodi tuir Inagurasaun Gruta Sagrada Coração de Jesus “Haehria Kukata” iha munisípiu Ermera.
Hafoin fila,Nia dehan,iha dalan tibar mosu provokasaun ba malu entre ho komunidade Tibar to’o hamosu sunu uma ida,estragus karreta no balun kanek.
“hafoin ita nia Autoridade Seguransa PNTL kaptura Suspeitu nain 4 husi parte 2 ne’e ami kaptura ho Evidensia mak Samurai no tudik ne’ebé sira utiliza hela”dehan nia.
Suspeitu nain 4 sei prosesu hela no suspeitu sira seluk ne’ebé involve iha konflitu ne’e parte autoridade seguransa PNTL sei buka tuir atu bele kaptura hodi prosesa hotu.
“Ita nia Autoridade Seguransa PNTL husi Investigasaun Kriminál Munisípiu Liquiça oras ne’e lao hela no sei rekolla evidensia sira hotu no ami enkoraza ba Vitima sira bele fo relatoriu ba estragus ne’ebé sira enfrenta ba Autoridade Seguransa PNTL atu bele hodi bele hatene.”dehan nia.
Bainhira akontese konflitu ne’e husi Unidade Intervensaun Rapida no Unidade Espesiál Polísia (UEP) inklui Forsa Rezerva tun iha terenu hodi asegura hodi normaliza situasaun lao d’iak.
“Ate agora Komandu Munisípiu Liquiça kontinua asegura sidadaun iha tibar no buka tuir suspeitu sira ne’ebé Envolve iha laran”dehan nia.
Entretantu Suspeitu nain 4 agora dadaun PNTL detein iha sela Komandu Munisípiu Liquiça no husu ba suspeitu sira ne’ebé involve an iha konflitu aprezenta atu aprezenta an rasik ba PNTL.
“liu-liu autor sira ne’ebé sunu uma no estragus komunidade nia uma.”dehan nia.
Jornalista : Cesar Pires
Editór : Herminio Cardoso