Loluwari Média (Díli) – Ministériu Justisa (MJ) hamutuk Kompañia Prime Timor Enterprise.Lda asina akordu servisu kooperasaun hodi implementa atividade ekonomia industria pekuária iha Munisípiu Kovalima postu Administrativu Zumalai suku Beco.
Ministru Justisa (MJ), Sergio Hornai hatete, selebra aktus Administrativus kontratuál ne’e atu halo reforsa komitmentu governu nian atu fó importansia ba papel setór privadu no Estranjeiru hodi kontribui ba dezenvolvimentu ekonómia iha TL.
“Ami nia objetivu mak ida ne’e dunik, tanba liu-husi Diresaun Jerál Teras Propriedade nia esforsu buka no indentifika Dominio Privadu nian ho lolos para atu bele dikorasaun Titulares reprezenta estadu bele posibilita hodi atribuisaun rai ba setór privadu no estadu” Dehan Ministru Justisa (MJ), Sergio Hornai ba jornalista sira iha Ministériu Justisa, sesta (13/02).
Bainhira atu komersializa,konforme vizaun no misaun ne’e mai husi kompañia ne’e rasik atu orienta industria no orienta ba ekonomia merkadu para hetan lukru iha sira nia misaun.
“Tanba ne’e ohin governu ofisialmente ita sei providensia (rai) 263 hektares iha Beco Suai ne’e perténse ba iha rai privadu no estudu ba kompañia Timor.”dehan nia
Bainhira kompañia Prime Timor Enterprise.Lda asina akordu ho Ministru Justisa iha ona legitimidade para atu bele kompañia utiliza uzu ba iha objetivu refere.
“Ita bo’ot sei kapitaluza ita bo’ot nia orsamentu montante 26 milloes ba iha investimentu ida ne’e, ami hein katak planu investimentu ne’ebé imi aprezenta bele rejulta no diversifika ekonómia ida konsolidadu ba iha munisípiu refere”
No bele abranze ka larga ba iha Teritoriu Nasionál fo nesesariu mós ba iha rai liur ida ne’e mak kompaña nia espetativa no mós governu nia espetativa atu halo parseria ida ho kompañia.
“Ha’u hanesan Ministru Justisa ha’u sei akompaña para atu haree realidade ba implementasaun hamutuk ho Instituisaun nakait governu mós komprometidu atu bele kontribui ba ita bo’ot ba peridu de grasa ba ita bo’ot iha tinan 10 nia laran”dehan nia.
Kompañia sei prega Timor oan sira no kontribui ba nutrisaun no sei kria merkadu industria ba iha pekuaria Ai-han naan nian ne’ebé atrativu no saudavel hodi bele hasai nutrisaun timoroan sira nian.
“Ohin ita boot sira kontribui mós ba merenda eskolar ba ita nia gerasaun futuru rai ne’e nian.ha’u garantia atu bele halo parseria ida para ita boot nia konfiansa tau iha ita boot nia kapitál”dehan nia.
Iha fatin hanesan,Diretór Kompañia Prime Timor Enterprise.Lda Alberto de Oliveira agradese tanba lori tempu prosesu naruk mak foin bele asina akordu ho Ministériu Justisa hodi bele halo investimentu.
“Ami iha kompromisu ida atu investe ba produsaun industria pekuaria nian hodi fo benefisiu ba Timoroan no ami bele priense ba merenda eskolar nian, ami mós fo kampu traballu ba Timor oan liu-husi investimentu ida ne’e”dehan nia.
Nia dehan,kompañia mós sei kria traballadór ho kualifikadu iha area pekuaria nian no mós sei halo estudu ida kona-ba estudante ne’ebé eskola iha área pekuaria nian hodi bele halao estudu iha kompañia ne’e rasik.
Tuir Nia,benefisiu bo’ot mak kompañia servisu hamutuk ho komunidade atu nune’e komunidade bele hetan esperiénsia tanba dadaun ne’e servisu konstrusaun lao hela kona-ba karau luhan kuaze 200 hektares ne’ebé besik remata ona no tempo badak sei inaugura.
“Iha área ne’ebé ami atu investe industria pekuaria ne’e laiha dezafiu tanba rai ne’ebé ami hetan ne’e ho kualidade di’ak tanba rai bokur no bee-moos la defisil ne’ebé ita hotu hein para kompañia atu implementa.”tenik nia.
Joranlista : Cesar Pires
Editór : Herminio Cardoso