Loluwari Média (Dili) – Sentru Instrusaun Komandante Nicolao Lobato Metinaru kompleta ona Tinan 25 ne’ebé konsege forma Militar sai kualifikadu iha instituisaun F-FDTL.
Xefe Estadu Maior F-FDTL, Brigadeiro Jenerál José da Costa “Trix” hatete, sentru ne’e durante forma ona militar sira sai displiña no kualifikadu di’ak ba Forsa Profisionál no Modernizasaun.
“Ohin ita selebra loron ezisténsia Sentru Instrusaun Komandante Nicolau Lobato, Tinan ruanulu-resin-lima laos de’it marku temporál, hanesan Testamuña ba reziliénsia, evolusaun no, liu-liu, servisu ba ita nia rain doben Timor-Leste.” Dehan Xefe Estadu Maior FALINTIL-Forsa Defeza Timor-Leste (F-FDTL) Brigadeiro Jenerál José da Costa “Trix” nia diskursu iha CICNL Metinaro, kinta-feira lokraik (19/02).
Nia dehan,sentru ne’e mak sai knuuk no identidade militár nian, iha ne’e laos de’it forma soldadu sira, maibé ida ne’e modalidade karakter militár iha kazerna no kampu treinu sira ne’e mak sidadaun bain-bain sira transforma ba servidór ba TL.
Hodi hatais uniforme koezaun, dixiplina no onra CICNL tenke kontinua sai kontinuadór fiel ba valór sira FALINTIL nian,espíritu sakrifísiu, tensidade, no patriotizmu ne’ebé orienta ba heroi sira iha foho lolon durante rezistensia luta ba ukun aan.
“Tanba ne’e, tenke refleta nafatin iha instrusaun hotu-hotu, formatura hotu-hotu, no marxa hotu-hotu, Ita maka erdeiru husi liñajen aten-brani”dehan nia.
Nia haktuir,Sentru ida ne’e mak rai-bokur ne’ebé kuda fini ba jerasauun foun sira atu moderniza no Profissionaliza Instrusaun F-FDTL.
Tuir Nia,Istória militár la moris iha nostaljia, maibé iha atualizasaun konstante, Kampu funu modernu iha mudansa konstante.
Nia dehan,dezafiu sira ne’ebé mak nasaun hasoru ezije pensamentu militár ne’ebé ázil no intelektualmente robustu,ne’ebé militár sira tenke hakaas aan sai militár ida ne’ebé kualidade.
“Kursu iha CICNL ha’u ezije rigór no kompeténsia. Ita tenke lao dook liu-tan, Imperativu atu investe iha formasaun lian, ne’ebé importante tebes atu bele interoperabilidade ho ita nia parseiru sira”dehan nia.
Iha futuru sei haree nesesidade urjente loke kursus hodi hasae nivel kursu promasaun kapitaun nian ba membru sira hotu.
“Ha’u haree ba futuru no haree nesesidade urgente atu solidifika kursu sira, atualizasaun nian no hasae nivel Kursu Promosaun Kapitaun nian, hodi nunee ita hetan futuru komandante tátiku sira ho ita nia instituiasaun ne’ebé ho di’ak no kualidade.”
Komandante Sentru Instrusaun Komandante Nikolau Lobato (SISNL) Tenente Koronel Graduado Elizeu Guterres “Sabe As” selebrasaun ne’e hodi rekonese papel fundamentál husi Sentru Instrusaun ne’ebé iha konstrusaun husi F-FDTL ne’ebé forma militár sai disiplinadu.
Nia dehan,valor sira ne’ebé orienta Formasaun ba F-FDTL hanesan servi povu timorense profissionalizmu no sentidu de misaun.
“Iha Sentru Instrusaun ida ne’e forma feto no mane ne’ebé forte, preparadu atu defende prinsipiu no identidade nasionál,Kualker organizasaun atu efikásia depende ba kualidade rekursu humanu”dehan nia
Tamba ne’e atu investe iha formasaun ba membru sira,Forsa ida ne’ebé sólidu ezije profissionais preparadu, motivadu no konsiente ba sira nia responsabilidade.
Tanva sentru ne’e iha papel sentrál ba kapasitasaun F-FDTL dezenvolve sistema formasaun estruturadu forma militár ekselénsia, reforsa espíritu do korpu no promove profissionalizmu, disipliña no sentidu dever.
Entretantu SISNL halo kursu promosaun, ba Ofisiais Kuadru Permanente, ho formandu hamutuk 15, no Kursu Promosaun ba Sargento-Ajudante, ho formandu hamutuk 21, kursu promosaun Capitão/1º Tenente 2025 ho formandu hamutuk 25, Kursu Promosaun Cabo, frekuentadu hamutuk 411 Praças.
Jursu espesializadu ne’e oferese formasaun iha área operasaun apoiu Paz, Enjenaria, Mediku kombatente, Lojistika komunikasaun no kondusaun avansadu ho total formandu hamutuk 260.
“Destaka servisu Assessoria Portuguesa no Australiana iha ensinu língua portuguesa no inglesa, ne’ebé benefisia ona dezenas formandu sira iha kursu intensivu”
No atualizasaun, Konklui ona 2º kursu Intensivu lian Portugés ba Fins Espesífiku no futuru sei iha Estágiy Aperfeisoamentu iha Portugál no kursu inglês nivel 5 no 6, promove dezenvolvimentu linguístiku no profissionál ba militar sira.
“Hein katak ezemplu Komandante Nicolau Lobato nian, bele fó inspirasaun mai ita hotu, no bele kontinua forma militár sira ne’ebé komprometidu no kualifikadu, hodi garante katak sakrifísiu hosi sira nia luta ba ukun rasik aan sei la lakon.”
Jornalista : Cesar Pires
Editór: Herminio Cardoso