Loluwari Média (Díli) – Xefe Departamentu Investigasaun Kriminal Nasional (DIKN), Superintendente Polísia, João Belo dos Reis, hatete, bazeia ba publikasaun iha média sosial horseik Polísia Nasionál Timor-Leste (PNTL) liuhusi Departamentu Investigasaun Kriminal Nasional (DIKN) esforsu hodi lori vitima mai DIKN hodi identifika no imediatamenta vitima refere ba protesaun vitima nian.
“Ita kaptura ona autor sira ne’ebé involve iha kazu ne’e atu nune’e sira bele responsabiliza sira nia aktu ne’ebé sira halo.” Dehan Xefe Departamentu Investigasaun Kriminal Nasional (DIKN), Superintendente Polísia, João Belo dos Reis, ba jornalista sira, iha, Komandu Jerál PNTL, Kaikoli Dili, kuarta (11/12).
Reis hatete, Suspeitu na’in 4 ne’e sira nia naran inisial mak Sl ,SG, BAM, SX husi suku Tohu Metan, aldeia Barlmeta.
“Bazeia bá publikasaun video ne’ebé virál iha media sosial horseik, polisia nasionál Timor-Leste (PNTL-red) liuhusi departementu investigasaun kriminál, ho esforsu hothotu, primeiru, aproxima bá família, atu bele hato’o keixa mai iha investigasaun kriminál, no imediatamente, vítima refere ona bá iha parte protesaun vítima nian.
“Ami kaer ona autór sira ne’ebé mak envolve iha laran, atu responsábiliza bá sira nia asaun ne’ebé mak sira halo ona.”
Esforsu hothotu PNTL halo, bá sira ne’ebé mak direita ou indireta envolve iha kazu ne’e nu’udar Autoridade seguransa PNTL sei la husik Suspeitu sira ne’e livre husi nia aktu ne’ebé sira komete.
Tanba kazu ne’e murni krime. Ameasa bá vida humanu, ita konsidera ne’e grave Investigasaun mak sei termina, sé sé mak envolve, responsábiliza indivídu bá hahalok ne’ebé sira halo.”
Tu’ir loloos kazu ne’e akontese kleur ona, kuaze fulan rua ka tolu. Mas, publikasaun ita foin hetan. Durante ne’e vítima sira mós ta’uk atu relata informasaun ne’e mai PNTL, ne’ebé, ohin, mak PNTL foin halo servisu maka’as, atu bele rekolla informasaun hotu, hodi submete bá iha ministériu públiku (MP-Red). Kazu ne’e akontese parte sa’e bá iha Mota-ulun Kasnafar nian.
Jornalista : Chay Risky