Loluwari Média (Díli) – Komandante Komponente Aero Lijeiria, Coronel Graduado, Helder da Costa, hatete, membru F-FDTL komponente Aero Lijeiria hamutuk 21 na’in termina sira nia formasaun teknika ba Mekanika atu sobu no monta aviaun ho durante fulan ida.
“Ita nia membru husi komponente Aero Lijeiria ne’ebé tu’ir formasaun ba area Mekanika ohin remata, antes ne’e ita nia governu halo akordu bilaterál ho Estadus Unidus Amérika (EUA) hodi oferese formasaun ba sira, atu kapasira ita nia membru sira nia kuñesimentu liliu komponente foun ida ne’e.” Dehan Komandante Komponente Aero Lijeiria, Coronel Graduado, Helder da Costa, ba jornalista sira, iha Aeroportu Internasionál, Nicolau Lobato Comoro, Dili, kuarta (11/12).
Coronel Helder, husu ba formandu membru F-FDTL husi komponente Aero Lijeiria ne’ebé konklui ona sira nia formasaun atu hatudu sira nia abilidade ne’ebé durante ne’e aprende ona atu sai bukae ida ba Komponente Aero Lijeiria iha futuru.
“EUA nia kooperasaun ho ita la’os foin ohin, maibé ita sura kooperasaun ne’e antes nune’e formandor husi EUA mai ho sira nia formandu oi-oin hodi regular ba ita nia komponente Aero liliu ba membru F-FDTL husi komponente Aero Lijeiria, nian atu sira bele aprende iha Area Mekanika baziku nian hodi halo manutensaun atu bele sobu no monta aviaun.” Helder afirma.
Membru F-FDTL husi Komponente Aero Lijeiria balu mos hala’o treinamentu ba seguransa Aeroportu ne’ebé hanaran (Sekurity Fors) no atu bele asegura meius sira ne’ebé iha liliu iha Aero Lijeiria nian.
“Ita nia formandu na’in 21 mak partisipa formasaun iha fulan ida nia laran ohin remata ona, no ita sei kontinua ba oin atu ita bele kapasita ita nia membru sira nia kuñesimentu no abilidade liliu area Mekanika nian atu sira bele sobu no monta aviaun sira ne’e.”
Adidu Defeza Estadus Unidus Amérika (EUA), kapitaun Cortes dehan, imi servisu makaas ho imi nia abilidade (skill) ne’ebé mak iha ba futuru iha Timor-Leste hodi deskreve ba imi nia negosiu (business) entrega liu ba espesifiku ba imi nia atinjimentu iha Aero Lijeiria nian.
“Ohin loron ba ita nia futuru hotu, ho tinan ida ne’e ita bele atinji diak liu tan, dalaruma ita hasoru dezafiu barak ba ajenta balu, maibé ita tenke atinji edukasaun ne’ebé mak personal, ita iha sistema hanoin ba aproximasaun.Ita hotu hanoin, la’os ba futuru maibé ita sei presiza konsidera ba fundasaun futuru Aero nian.”
Tanba imi hatene ema barak verifika hodi konjuga imi nia fundasaun ba futuru ida ne’e liga ba se mak hakarak atu sai hodi ko’alia English ba imi nia futuru liliu ba imi komponente Aero Lijeiria nian.
Jornalista : Chay Risky